Genesis 48:5 - Maung A Balita Biblia

⁵ Intuloy ya inkuanen Jacob, “Ibibilang kon anak iray duaran lalakin anak mo a nianak ed Egipto kasakbayan na inyakar ko dia; anak ko ra di Efraim tan Manases a singa di Ruben tan Simeon.

Maung a Balita Biblia

⁵ Intuloy ya inkuanen Jacob, Ibibilang kon anak iray duaran lalakin anak mo a nianak ed Egipto kasakbayan na inyakar ko dia; anak ko ra di Efraim tan Manases a singa di Ruben tan Simeon.

Genesis 48:5 Referans Kwoze

Genesis 46:20

Diad Egipto duaray anak nen Jose, di Manases tan Efraim, ed kinen Asenat ya anak nen Potifera a pari ed Heliopolis.

2 CORINTO 6:18

Siak met lad satay magmaliw ya ama yo, tan sikayon lalaki tan bibii met la so magmaliw ya anak ko, say Makapanyarin-amin a Katawan onyay ibabaga to.”

Josue 13:7

Natan sirin, apag-apag mo yan dalin a kayaryanen na saray siamiran tribu tan say kapalduan tribu nen Manases.”

TAGA-EFESO 1:5

inggana to itayo lan magmaliw ya anak to diad panamegley nen Jesu-Cristo. Sikato yay linawa tan getmay Dios.

Malakias 3:17

“Sikaray magmaliw a totook,” kuay Katawan a Makapanyarin-amin. “Diad agew a siak so onggalaw, sikaray magmaliw a petepeteg kon kayaryan. Kasian ko ra a singa pangakasi na ama ed anak ton laki a manlilingkur ed sikato.

Ezekiel 16:8

“Nen ondadalan ak lamet, anengneng kon sinmabi lay panaon na panibeg mo. Kinobutan ko na latup ko so laman mo tan insipan kon aroen ta ka. Akisipanan ak ed sikan asawaen ta ka, et sikay nagmaliw a kien ko.” Sikato yay imbaga na Katawan a Dios.

Isaias 43:1

Say Katawan ya amalsad sika, Israel, kuanto, “Ag ka natatakot—iyagel ta ka. Tinawag ta kad ngaran mo—kayaryan ta ka.

Levitico 20:26

Nepeg a masanto kayo tan siak labat so akankayaryan ed sikayo, lapud siak so Katawan tan masanto ak. Imbiig ta kayo ed saray arum a bansa pian sikayo labat so kayaryan ko.

Saray Hebreo 11:21

Lapud pananisia, si Jacob, nen magano lan ompatey, binindisionan to ray duaran anak nen Jose. Indomeg toy olo tod potay bastun to, tan angigalang ed Dios.

Genesis 48:1

Ag abayag ed samay impantongtong dan sanama, nibagad kinen Jose a mansasakit si ama to. Kanyan intagar to ray duaran lalakin anak to a di Manases tan Efraim, ta nengnengen day Jacob.

Genesis 48:6

No wala ni ray anak mon lalaki, ag ira nibilang ya anak ko; alaen day tawir da diad panamegley di Efraim tan Manases.

Ezekiel 47:13

Say Katawan a Dios inkuanto, “Sikara yay ketegan na dalin ya apagen na labinduan tribu; say tribu nen Jose et awaten to so duaran apag.

Saray Salmo 77:16

Ataktakot iray danum nen anengneng da ka, O Dios, tan ginmiwgiw so dalem na dayat.