Genesis 46:4 - Maung A Balita Biblia

⁴ Ibaan ta kayod man, tan ipawil kod sayan dalin iray kabyangay boleg mo. Walad diking moy Jose no ompatey ka.”

Maung a Balita Biblia

⁴ Ibaan ta kayod man, tan ipawil kod sayan dalin iray kabyangay boleg mo. Walad diking moy Jose no ompatey ka.

Genesis 46:4 Referans Kwoze

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Genesis 50:1

Intakba nen Jose so laman to ed kinen ama to, manakakis tan inaanguban tod lupa.

Genesis 48:21

Insan inkuanen Jacob ed kinen Jose, “Onung na sankanengneng mo, magano ak lan ompatey, balet mansiansian kaibam so Dios, tan papawilen to kad dalin na saray atateng mo.

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.”

Genesis 50:5

‘Nen ngalngali la ompatey so amak, impaisipan dad siak ya ipompon kod lobuk ya imparaan dad dalin na Canaan. Kanyan abuloyan yo ak pan onla, ta ipompon koy amak, insan ak dia ompawil.’”

Genesis 50:13

inyakar dad Canaan so bangkay to, imponpon dad ongib ed Macpela a bokig na Mamre, diad samay alog a sinaliw nen Abraham ed kinen Efron a Heteo, ta ginawa ton pasen a pomponan.

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.