Genesis 46:3 - Maung A Balita Biblia

³ “Siak so Dios, say Dios nen amam,” inkuanto. “Ag ka natatakot ya onlad Egipto; gawaen kod man a baleg a bansa iray kabyangay boleg mo.

Maung a Balita Biblia

³ Siak so Dios, say Dios nen amam, inkuanto. Ag ka natatakot ya onlad Egipto; gawaen kod man a baleg a bansa iray kabyangay boleg mo.

Genesis 46:3 Referans Kwoze

Deuteronomio 26:5

Insan diad arap na Katawan ibitla yo ra yan salita: ‘Say lakik et sakey ya akar-akar ya Arameo, ya inawit ton nanayam ed Egipto so pamilya to. Nen linma rad Egipto dagdaiset ira, balet nagmaliw iran baleg tan makapanyarin bansa.

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Saray Gawgawa 27:24

‘Ag ka natatakot, Pablo!’ inkuanto. ‘Nepeg moy onarap ed Impirador. Lapud sika, ilaban na Dios iray amin a kakaibam a mambiabiahi.’

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Genesis 35:11

Insan inkuan na Dios ed sikato, “Siak so Dios a Makapanyarin-amin. Nawalaan kay amayamay ya anak. Manlapud sika ray bansa tan arari.

Saray Gawgawa 7:17

“Nen asingger lay panaon na panumpal na Dios ed samay sipan tod kinen Abraham, dakerakel la ray Israelita ed Egipto.

Deuteronomio 10:22

Nen linmad Egipto iray lalaki yo, pitpitomplo ra labat. Balet natan say Katawan a Dios yo et impagmaliw to kayon singa karakel na bitewen ed tawen.

Deuteronomio 1:10

Say Katawan a Dios yo et impagmaliw to kayo la natan a singa karakel na bitewen ed tawen.

Genesis 47:27

Nanayam ed Egipto ira may Israelita, diad Gosen; minmayaman ira tan dinmakerakel ira.

Genesis 22:17

isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da.

Genesis 18:18

Magmaliw a baleg tan makapanyarin bansa iray kabyangay boleg to, tan diad panamegley to bindisionan kon amin iray bansa.

Genesis 15:13

Inkuan na Katawan ed sikato, “Magmaliw iran sangkaili ed sakey a bansa iray kabyangay boleg mo; aripenen da rad man tan pairapen da ran apat a lasus a taon.

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Jeremias 40:9

Inkuanen Gedalias ed sikara, “Isipasipan kod sikayo ya anggapoy nepeg yon takotan diad isuko yod saray taga Babilonia. Manayam kayod sayan dalin tan panlingkuran yoy ari na Babilonia, et maung so pansumpalan yo.

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Genesis 48:16

Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.”

Genesis 48:19

Ag inmabuloy si ama to tan kuanto, “On, amtak anak ko. Magmaliw met a matalonggaring a totoo iray kabyangay boleg nen Manases. Balet magmaliw a matalonggaring ni so yogtan to nen say sikato, tan magmaliw a matalonan bansa iray kabyangay boleg to.”

Exodo 14:13

Inmebat si Moises, “Ag kayo natatakot! Pakpel yoy linawa yo, et nanengneng yo no antoy gawaen na Katawan a pangilaban tod sikayo ed sayan agew; ag yo la napidwan nanengneng ira yan Egipsio.

Exodo 1:12

Balet no panoy impanpapairap na saray Egipsio ed saray Israelita, lalon ondarakel ira tan onaawang so pasen a panaayaman da. Apagaan ed satan iray Egipsio ed saray Israelita,