Genesis 43:30 - Maung A Balita Biblia

³⁰ Insan biglan tinmaynan si Jose, ta napnoy puso to na panangarod kinen agi to. Ngalngali la makaakis, kanyan linmad kuarto to tan diman nanakis.

Maung a Balita Biblia

³⁰ Insan biglan tinmaynan si Jose, ta napnoy puso to na panangarod kinen agi to. Ngalngali la makaakis, kanyan linmad kuarto to tan diman nanakis.

Genesis 43:30 Referans Kwoze

Genesis 42:24

Inmarawid sikara si Jose tan nanakis. Nen nayarian to lay mansalita, pinmawil, pinili toy Simeon, tan impaitaker ton sankanengneng da.

Jeremias 31:20

“Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

FILIPOS 2:1

Pabibiskegen kayo kasiy bilay yod Cristo? Liligliwaen kayo kasiy aro to? Wala kasiy pikakasakey yod Ispirito? Mankakasiyan tan manaarowan kayo kasi?

FILIPOS 1:8

Kabat na Dios a say pampilpilalek kon makapinengneng ed sikayo et manlalapud dilin panangaro nen Cristo Jesus.

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

1 Saray Arari 3:26

Say peteg ya ina a napnoy puso to na panangaro ed saman ya anak to inkuantod ari, “Panangasi yo, Kagalang ya Ari, ag yo papateyen so ogaw! Iter yo lad sikato!” Balet samay sakey a bii inkuanto, “Anggapoy pangitdan yod sikami tay ogaw, paldua yo la.”

Genesis 45:2

Diad kasil na pansibsibek to, arengel na saray Egipsio, et imbalita ra ya ed ari.

1 Juan 3:17

No mayaman so sakey a too tan sankanengneng ton maniirap so agi to et ag to kasian a tulongan, panoy pangibaga ton inaro toy Dios?

2 Timoteo 1:4

Diad pakanunot kod saray luam, pampilpilalekan ta kan nanengneng pian nasigput so liket ko.

COLOSAS 3:12

Sikayo ray piniliy Dios, masanto tan inararo to. Kanyan nepeg kayon maaro, mapangasi, mapaabeba, maoyamo, tan maanos.

Saray Gawgawa 20:37

Manakakis iran amin a linmalakap tan inmaangub ed kinen Pablo.

Saray Gawgawa 20:31

Kanyan manalwar kayo, tan ag yo lilingwanan a diad loob na taloy taon, labi may agew, andi-tondan binabangatan koy balang sakey ed sikayo, tan amayamay a lua so tinmeterter ed saray matak lapud saya.

Saray Gawgawa 20:19

Sipapaabeba ak a nanlilingkur ed Katawan, tinmeterter so luak, tan intetepel koy amayamay a kairapan lapud saray maoges a getma ray Judio ed siak.

Genesis 46:29

linmogan si Jose ed karwahi to, insan linmad Gosen a mangabet ed kinen ama to. Kaasingger to, nilakap to, tan abayag a nanakis.