Genesis 43:29 - Maung A Balita Biblia

²⁹ Nen anengneng nen Jose si Benjamin ya agi ton peteg inkuanto, “Sikato ya sirin so sankayogtanan ya agi yo ya asalita yod siak. Bindisionan ka komuy Dios, anak ko.”

Maung a Balita Biblia

²⁹ Nen anengneng nen Jose si Benjamin ya agi ton peteg inkuanto, Sikato ya sirin so sankayogtanan ya agi yo ya asalita yod siak. Bindisionan ka komuy Dios, anak ko.

Genesis 43:29 Referans Kwoze

Saray Bilang 6:25

Abageyen kayo komun na Katawan tan kasian to kayo;

Genesis 42:13

Inkuanda, “Labindua kamin amin a sanaagi; saksakey so ama mi a wala natan ed Canaan. Inatey lay sakey ya agi mi tan atilak ed ama mi so sankayogtanan.

Saray Hebreo 13:1

Ituloy yoy panaarowan yon sanaagi ed Cristo.

1 Timoteo 1:2

Diad kinen Timoteo, say anak kon peteg ed pananisia: Itdan kayo komun na Dios ya Ama tayo tan say Katawan a Jesu-Cristo na bindision tan kareenan.

Marcos 10:24

Nikelawan iray disipulo ed sarayan balikas to. Inkuanen Jesus lamet, “Anak, talagan mairap so onloob ed Panariay Dios.

Mateo 9:22

Linmingaw si Jesus, anengneng to may bii tan inkuanto, “Paksil moy linawam, anak ko! Say pananisiam so amaabig ed sika.” Inmabig may bii diad saman a bekta.

Mateo 9:2

Walay sakey a lakin paralitiko a nilibit na pigaran totoo ed dokulan to tan inyakar dad kinen Jesus. Anengneng nen Jesus so pananisia ra, kanyan inkuantod samay paralitiko, “Pakpel moy linawam, anak ko! Apirdona la ray kasalanan mo!”

Malakias 1:9

Natan sikayo ran papari, kerew yo pad Dios a kasian to itayo. Ag to ebatan so pikakasi yo, et sikayo lamlamang so natetel.

Isaias 33:2

Katawan, kasian mo kami pa. Sikay nanilaloan mi. Iyagel mo kami pa ya inagew-agew tan ilaban mo kami ed saray panaon na gunigon.

Isaias 30:19

Ag kayo la onakis, sikayo ran totoon manaayam ed Jerusalem. Mapangasi so Katawan, et no onkerew kayod sikato na tulong, ebatan to kayo.

Saray Salmo 112:4

Say silew onwawandag ed bilonget para saray maung a totoo, para saray mapangasi, maabagey, tan matonung.

Saray Salmo 111:4

Ag ipapalingwan na Katawan iray makapakelaw a kimey to; sikatoy mapangasi tan maabagey.

Saray Salmo 67:1

O Dios, kasian tan bindisionan mo kami pa; osdungan mo kami pan abageyen,

2 Saray Awaran 29:11

Anak ko, ag kayo la manaabala. Sikayo ray pinili na Katawan a mampool na insinso ed sikato tan sikayo ray mangipangulo na saray totoo ed pangigalang ed sikato.”

Josue 7:19

Inkuanen Josue ed sikato, “Anak ko, ibagam so tua ed arap na Katawan a Dios na Israel, pian sikatoy napagalangan mo. Ibagam natan so ginawam. Ag mo iyaamut ed siak.”

Genesis 45:8

Kanyan aliwan sikayo so angibakid siak dia, no ag ta say Dios. Ginawa to ak a sankatageyan ya opisyal na ari. Siak to inkargado ed intiron bansa to; siak so manoley ed intiron Egipto.

Genesis 42:11

Sanaagi kamin amin. Aliwa kamin ispia; maung kamin totoo.”

Genesis 35:24

diad kinen Raquel: Jose tan Benjamin;

Genesis 44:21

Ingganggan mon awiten mi dia, pian nanengneng mo,