Genesis 43:23 - Maung A Balita Biblia

²³ Inkuanto may aripen, “Ag kayo mapaga. Ag kayo natatakot. Angangko say Dios yo, say Dios na ama yo, so angipawil na kuarta yo. Inawat kod saman so bayar yo.” Insan inyakar tod sikara si Simeon.

Maung a Balita Biblia

²³ Inkuanto may aripen, Ag kayo mapaga. Ag kayo natatakot. Angangko say Dios yo, say Dios na ama yo, so angipawil na kuarta yo. Inawat kod saman so bayar yo. Insan inyakar tod sikara si Simeon.

Genesis 43:23 Referans Kwoze

Genesis 42:24

Inmarawid sikara si Jose tan nanakis. Nen nayarian to lay mansalita, pinmawil, pinili toy Simeon, tan impaitaker ton sankanengneng da.

Juan 20:26

Kayariy waloy agew, nantitipon lamet ed loob na abung iray disipulo to. Kaiba ra lay Tomas. Akatalak iray puirta, balet linmoob si Jesus tan nanalagey ed pegley da. Inkuanto, “Say kareenan komun so walad sikayo!”

Juan 14:27

“Itilak kod sikayoy kareenan; say kareenan kon dili so iter kod sikayo. Aliwan singa panangiter na sankamundoan so pangiter kod sikayo. Ag komun nagunigon tan ontakot so puso yo.

Juan 20:21

Inkuan lamet nen Jesus ed sikara, “Say kareenan komun so walad sikayo! Imbaki ak na Ama, ontan met ya ibaki ta kayo.”

Juan 20:19

Diad labi to man ya agew na Simba, nantitipon iray disipulo. Akatalak iray puirtay abung a nantitiponan da, lapud takot dad saray Judio. Sinmabiy Jesus tan nanalagey ed pegley da. Inkuantod sikara, “Say kareenan komun so walad sikayo!”

Lucas 24:36

Nen pantotongtongan da ya, biglan manalalagey si Jesus ed pegley da. Inkuantod sikara, “Say kareenan komun so walad sikayo.”

Lucas 10:5

Kaloob yod anggan dinan ya abung ikuanyo nin onaan, ‘Manari komuy kareenan ed sayan abung!’

Genesis 42:28

“Nipawil may kuartak,” ineyag tod saray agagi to. “Wadyad sakok.” Apagaan ira tan diad takot da nantetepetan ira, “Anto yan ginawa na Dios ed sikatayo?”

Esdras 4:17

Impawit na impirador yan ebat: “Awat yoy pabanok ed sikayo: Rehum a gobirnador, Simsai a sikritario na luyag, tan saray kaiba yo a manaayam ed Samaria, tan saray arum a pasen ed Sagur na Eufrates.

1 Saray Awaran 12:18

Linmoob so Ispiritu na Dios ed sakey ed sikara, si Amasai, a diad arapen a panaon et nagmaliw a pangulo na “Saray Talomplo,” tan inkuanen Amasai, “Kayaryan tan kagampi mo kami, David ya anak nen Jesse! Aligwas so nagamuran mo tan saray ontulong ed sika! Ta say Dios so katambayan mo.” Maliket si David ya angawat ed sikara tan ginagawa to ran opisyal na saray sondalo to.

1 Samuel 25:6

Binilin to ran ikuan dad kinen Nabal: “Ilulugay to ka nen David, pinablin kaaro. Maung komun konoy kipapasen mo, say pamilyam, tan amin a kayaryan mo.

Saray Huis 19:20

Inkuan na samay masiken, “Tuloy kayod abung ko! Asikasoen ta kayo; aliwan manepeg a mamalabas kayoy labi diad plasa.”

Saray Huis 6:23

Balet say Katawan kuantod sikato, “Mandeen ka. Ag ka natatakot. Ag ka ompatey.”

Genesis 43:14

Iyabuloy komun na Dios a Makapanyarin-amin a kasian to kayo tay too, pian ipawil tod sikayo si Benjamin tan samay sakey ya agi yo. Para say siak, no nepeg a naandid siak iray anak ko, sipaparaan ak.”

Genesis 42:36

Inkuanen ama ra, “Labay yon naandin amin iray anak ko? Anggapo lay Jose; anggapo met lay Simeon; tan natan labay yo met ya alaey Benjamin. Siak so maniirap!”

Genesis 43:22

Wala met so awit min kuartan panaliw mi na tagano. Ag mi amta no siopay angipawil ed saray sako mi na samay kuarta.”

1 Saray Awaran 12:19

Wala ray pigaran sondalon kabyangay tribu nen Manases ya akigampi rad kinen David nen linman mibakal a kaiba to ray Filisteo ed kinen Ari Saul. Diad tuay tua si David ag to tinulongan iray Filisteo, ta pinapawil na saray pangulo ra lapud mapaga ra ompan mantraidor tan migampid Saul a gendat a pangulo to.