Genesis 42:38 - Maung A Balita Biblia

³⁸ Balet inkuanen Jacob, “Ag nayarin milad sikayoy anak ko; inatey lay agi to, tan sikato labat lay atilak. Nayarin walay maoges a nagawad sikato diad dalan. Masiken ak la; ompatey ak ed ermen ya iter yod siak.”

Maung a Balita Biblia

³⁸ Balet inkuanen Jacob, Ag nayarin milad sikayoy anak ko; inatey lay agi to, tan sikato labat lay atilak. Nayarin walay maoges a nagawad sikato diad dalan. Masiken ak la; ompatey ak ed ermen ya iter yod siak.

Genesis 42:38 Referans Kwoze

Genesis 37:35

Dinmagon amin iray anak ton lalaki tan bibii a manligliwad sikato, balet ag to labay so naligliwa tan inkuanto, “Anggan wala ak lad pasen a panaayaman da ray inaatey, panermenan ko ni so anak ko.” Kanyan ag to tinondaan ya inermenan si anak ton Jose.

Genesis 42:4

Balet ag imbaki nen Jacob si Benjamin ya agin peteg nen Jose, ta ompan walay maoges a nagawad sikato.

Genesis 37:33

Abirbir to tan inkuanto, “On, kawes to! Pinatey na sakey ya ayep ed katakelan. Abingbingkas si Jose ya anak ko!”

Genesis 42:13

Inkuanda, “Labindua kamin amin a sanaagi; saksakey so ama mi a wala natan ed Canaan. Inatey lay sakey ya agi mi tan atilak ed ama mi so sankayogtanan.

Isaias 46:4

Siak so Dios yo tan asikasoen ta kayo anggad ontakken kayo tan ompoti lay buek yo. Ginawa ta kayo tan asikasoen ta kayo; tulongan tan iyagel ta kayo.

Isaias 38:10

Ninunot ko a diad kakkaksilay bilay ko, Onla ak lad pasen a panaayaman da ray inaatey, Et naandian ak lay pankanawnawan mambilay.

Ecclesiastes 2:26

Iiter na Dios so kakabatan, pakatalus, tan liket ed saray mamapaliket ed sikato, balet pankikimeyen, panaanapen, tan pantitiponen to ray makasalanan pian walay niiter ed saray mamapaliket ed sikato. Sakey met yan andi-kakanaan. Singa ka onoosil labat ed dagem.

Ecclesiastes 1:14

Anengneng kon amin iray agawa diad mundo, et nengneng yo, andi-kakanaan ya amin. Singa oosilan mo so dagem.

Saray Salmo 90:10

Pitomploy taon labat so karokey na bilay mi, o walomplo no mabiskeg kami; anggaman ontan, ermen tan segsegang labat so iiter dad sikami; nanagonuyan, anggapo lay bilay mi tan naandipat kami la.

Saray Salmo 71:18

Natan ta matakken ak la tan ampoti lay buek ko, ag mo ak pa ikakaindan, O Dios! Ag mo ak pa tataynan leleg kon ibabawag ed amin a kailalakan ya onsabi so biskeg mo tan say pakayarim.

1 Saray Arari 2:6

Gawam so isisipen mon maabig; ag mo aabuloyan a nasabi toy agew na ipatey to.

Genesis 44:20

Inyebat min walay ama min masiken la tan sakey ya agi min sankayogtanan a nianak nen matakken lay ama mi. Inatey lay agi to yan ogaw tan sikato labat so mabilay ya anak nen ina to, kanyan ontan lay panangarod sikato nen ama mi.

Genesis 37:34

Pinilat nen Jacob so kawes to diad ermen to tan nansolung na sako. Abayag a nanermen lapud si anak to.

Genesis 42:37

Inkuanen Ruben ed ama to, “No ag ko nipawil ed sikayo si Benjamin, nayarian yon pateyen iray duaran anak kon lalaki. Imatalek yod siak; asikasoen ko tan ipawil kod sikayo.”

Genesis 43:13

Awit yo sirin si agi yo, insan ki la onla.

Genesis 44:22

tan inyebat min mairap ya iyarawid kinen ama to, ta ompan ipatey ya nen ama to.

Say Libro nen Job 41:32

Onsisilong so dinalan to; pagmamaliwen ton singa bora so dayat.