Genesis 42:15 - Maung A Balita Biblia

¹⁵ Onyay panubok kod sikayo: Isambak ed ngaray ari ya ag kayo dia makaalis, anggad nanengneng ko dia so yogtan ya agi yo.

Maung a Balita Biblia

¹⁵ Onyay panubok kod sikayo: Isambak ed ngaray ari ya ag kayo dia makaalis, anggad nanengneng ko dia so yogtan ya agi yo.

Genesis 42:15 Referans Kwoze

1 Samuel 17:55

Nen si Saul et anengneng toy David ya onlan milaban ed kinen Goliat, tinepet tod kinen Abner a pangulo na saray sondalo to, “Siopa man a balolaki?” “Ag ko amta, O ari,” ebat nen Abner.

Santiago 5:12

Manonad amin, agagik, ag kayo mansasamba no mansipan kayo. Ag yo pansasambaay tawen, o say dalin, o arum ni ran pansambaan. Duga lay pangibaga yoy “On” no on, tan “Andi” no andi, pian ag kayo sintinsiaay Dios.

Jeremias 5:7

Tinepet na Katawan, “Akin et pirdonaen ko ray kasalanan na saray totook? Inkaindan da ak tan angigalang ira ed saray tila-tilan diriyos. Pinakan ko ray totook ya anggad napsel ira, balet akikalugoran ira, tan akiamung irad saray marotak a bibii o lalaki.

Jeremias 5:2

Anggaman a mansasamba kayod ngaran na Katawan, ag yo lamlamang totooren iray salita yo.

1 Samuel 20:3

Balet inmebat si David, “Kabkabat nen amam so ontan lan panangarom ed siak, kanyan ginetma to lan iyamut ed sikay gawaen to, pian ag ka nasakitan a maung. Sambaan kod sika diad ngaray mabilay a Katawan a wala ak lad sangabay lobuk!”

1 Samuel 1:26

Inkuanen Ana ed kinen Eli, “Nabirbir yo ak ni? Siak imay biin anengneng yon manalalagey dian mampipikasi ed Katawan.

Deuteronomio 6:13

Takotan yoy Katawan a Dios yo, sikato labat so igalang yo, tan mansipan kayo ed ngaran to labat.

Genesis 43:3

Inkuanen Juda ed sikato, “Impurpurek to may too ya ag kami naawat ed arap to no ag mi kaibay agi mi.

Genesis 42:34

Awit yo diay sankayogtanan ya agi yo. Naamtaan kod satan ya aliwa kayon ispia, no ag ingen maung a totoo; ipawil kod sikayoy agi yo, tan nayarian yo diay manayam tan mannigosio.’”

Genesis 42:30

“Masebesebeg ya akitongtong ed sikami so gobirnador na Egipto, tan papalsaan to kamin maniispia ed bansa to.

Genesis 42:20

Insan awit yo dia tay yogtan ya agi yo. Napaneknekan ed satan ya ag kayo mantitila, et ag ta kayo papatey.” Inmabuloy irad saya,

Genesis 42:16

Ompawil so sakey ed sikayo a mangawit ed sikato dia. Guardiaan iray natilak ed sikayo, anggad nasubok no tuay ibabaga yo. Ta no aliwan tua, diad ngaran na mabilay ya ari, peteg ya ispia kayo.”

Genesis 42:12

Inkuanen Jose ed sikara, “Andi! Linma ki dian mannengneng no antoy kakapoyan na bansa mi.”

Genesis 42:7

Nen anengneng nen Jose ira may agagi to, abirbir to ra, balet impanengneng ton singa ag to ra kabat. Masebeg a tinepet tod sikara, “Iner so nanlapwan yo?” “Nanlapu kamid Canaan; linma kami dian manaliw na tagano,” ebat da.

Genesis 42:14

“Duga may kuanko,” ebat nen Jose. “Ispia kayon tua.

Genesis 43:5

No ag kayo, ag kami met la onla, ta imbaga to may too ya ag kami naawat ed arap to no ag mi kaibay agi mi.”