Genesis 41:43 - Maung A Balita Biblia

⁴³ Impaikana to ed kinen Jose so kumadwan karwahi to, insan saray guardiad palasio nambabando rad onaan to, “Paliis kayo! Paliis kayo!” Onya so inkatoro nen Jose a gobirnador ed intiron Egipto.

Maung a Balita Biblia

⁴³ Impaikana to ed kinen Jose so kumadwan karwahi to, insan saray guardiad palasio nambabando rad onaan to, Paliis kayo! Paliis kayo! Onya so inkatoro nen Jose a gobirnador ed intiron Egipto.

Genesis 41:43 Referans Kwoze

Genesis 45:8

Kanyan aliwan sikayo so angibakid siak dia, no ag ta say Dios. Ginawa to ak a sankatageyan ya opisyal na ari. Siak to inkargado ed intiron bansa to; siak so manoley ed intiron Egipto.

Saray Gawgawa 7:10

tan tinulongan tod saray irap a pinapalabas to. Binindisionay Dios tan initdan toy kakabatan tan makaroyroyon ogali nen inmarap ed ari na Egipto. Say Ari impagmaliw ton gobirnador si Jose diad intiron Egipto tan diad abung to.

Genesis 45:26

“Mabilay niy Jose!” inkuandad sikato. “Sikatoy manooley ed intiron Egipto!” Ag akaskasel si Jacob, tan ag to ra panisiaan.

Genesis 42:6

Si Jose, lapud sikatoy gobirnador na Egipto, so manlalako na ilik ed saray totood intiron mundo. Sinmabi ra may agagi to, tan dinmakmomo rad sikato ya anggad dalin so lupa ra.

FILIPOS 2:10

Diad ontan, amin da ray apalsan walad tawen, diad mundo tan dalem na dalin. ontalimukor iran mangigalang ed ngaran nen Jesus.

Genesis 42:33

Inmebat imay too, ‘Onyay pakaamtaan ko no talagan maung kayon totoo: Ontilak so sakey ed sikayo; saray arum onsempet la ran mangawit na ilik ed saray narasan a pamilya yo.

Genesis 42:30

“Masebesebeg ya akitongtong ed sikami so gobirnador na Egipto, tan papalsaan to kamin maniispia ed bansa to.

Genesis 41:42

Inekal na ari so singsing to a panagmarka, insan to insolung ed gamet nen Jose. Sinolungan toy kawes a linen, tan initdan toy kadinan balituk a para beklew to.

Genesis 41:44

Inkuan na ari ed sikato, “Siak so ari, sikay onkumadwa, et anggapod intiron Egipto so makagawa na antokaman no anggapoy abuloy mo.”

Genesis 50:18

Insan saray agagi ton dili so dinmago tan dinmakmomo rad sikato. Inkuanda, “Nia kami ran aripen mo.”

Ester 10:3

Si Mardokeo a Judio so onkumadwad kipapasen nen Ari Asuero. Pinapagalangan tan labalabay na saray kapara ton Judio. Ginagawa toy pankaabigan na saray totoo to tan say kiarawid kaatapan na amin da ray kaybangay boleg da.

Genesis 50:9

Akila met ed sikato ray lalakin akalogan ed karwahi, tan saray akakabayo; dakerakel iran nanoolup.

Ester 3:2

Ingganggan na ari iray amin ya opisyal a manlilingkur ed sikato a galangen day Haman diad panamegley na italimukor tan ituek dad sikato. Ginawa da yan amin likud ed kinen Mardokeo ya ag to labay so ontuek ed kinen Haman.

Daniel 2:48

Insan initdan na ari si Daniel na atagey a kipapasen, initdan to na amayamay a mabmabli ran rigalo, impasen ton makaoley ed luyag na Babilonia, tan impagmaliw ton pangulo da ray amin a sumisimbawa na ari.