Genesis 41:42 - Maung A Balita Biblia

⁴² Inekal na ari so singsing to a panagmarka, insan to insolung ed gamet nen Jose. Sinolungan toy kawes a linen, tan initdan toy kadinan balituk a para beklew to.

Maung a Balita Biblia

⁴² Inekal na ari so singsing to a panagmarka, insan to insolung ed gamet nen Jose. Sinolungan toy kawes a linen, tan initdan toy kadinan balituk a para beklew to.

Genesis 41:42 Referans Kwoze

Daniel 5:29

Tampol ya ingganggan nen Belsasar iray aripen to a kawesan day Daniel na ambalangan kawes na ari tan isolung dad beklew toy balituk a kolintas. Impagmaliw ton mikatlod sankatageyan a manoley ed nanarian.

Daniel 5:7

Inmeyag ya angibaki na mangawit ed saray salamangkiro, saray managparles, tan saray astrologo. Kaloob da inkuan na ari ed sikara, “Siopamay makabasa na sayan sulat tan nibaga to no antoy kabaliksan to et kawesan na ambalangan kawes na ari, solungan na balituk a kolintas, tan magmaliw a mikatlod sankatageyan a manoley na nanarian.”

Ester 3:10

Inekal na ari so singsing to ya ikakana tod pantimbri na saray ganggan, pian magmaliw iran opisyal a ganggan. Insan to inter ed toon kalaban na saray Judio, si Haman a lakin anak nen Hamedata a kabyangay boleg nen Agag.

Daniel 5:16

Nadngelan ko a nayarian mon ipatalus so niamut iran kabaliksan tan nipaliwawam iray mistirio. No nabasam yan nisulat tan nibagam ed siak so kabaliksan to, kawesan ka na ambalangan kawes na ari, solungan ka na balituk a kolintas, tan magmaliw kan mikatlo ed sankatageyan a manoley diad nanarian.”

Ester 8:2

Inekal na ari imay singsing ton panagtimbri (a binawi tod kinen Haman) tan inter tod kinen Mardokeo.

Ester 8:15

Pinmaway ed palasio si Mardokeo ya akasolung na asul tan ampotin kawes na ari, akakolibemben na ambalbalangan pinon linen, tan akaiyan ed olo so baleg a koronan balituk. Insan diad saray dalan na Susa binmetag so eyag na liket tan gayaga.

Ester 8:10

Impaisulat ira nen Mardokeo diad ngaran nen Ari Asuero, tan minarkaan to ra na panagtimbri na ari. Linmogan ed saray mabatik a kabayo na ari iray angyakar ed saramay sulat.

Ezekiel 27:7

Linen iray layag mo, Abordaan iran linen a nanlapud Egipto, Mainomay iran nabirbir anggan diad arawi. Sankaabigan ya abel so tarung mo, Ya ambalbalangan abel a nanlapud isla na Chipre.

Kanta nen Solomon 1:10

Agaylay dakep na buek mon manasakbung na lupam; singa ra alahas a mansaloyloy ed tenger mo.

Probirbio 31:24

Manggagawa na saray abel tan saray balkes, insan to ra ilalako ed saray nigosianti.

Probirbio 31:22

Manggagawa na saray apis na katri tan pinon ambalangan linen so ikakawes to.

Ester 8:8

Balet say ganggan a nipaakseb ed ngaran na ari tan amarkaan na panagtimbri to et ag lan balut nabawi. Anggaman ontan, nayarian yoy mansulat ed saray Judio na antokaman a labay yo; nayarian yoy mansulat ed ngaran ko tan markaan yo na panagtimbrik.”

Ester 3:12

Kanyan diad kumalabintalon agew na ononan bulan, tinawag nen Haman iray sikritario to tan indikta tod sikara so sakey a ganggan a nepeg ya ipatalus ed amin a salita tan ikorit ed amin a panagsulat ed intiron impirio tan nepeg ya ipawit ed amin da ray manoley, gobirnador, tan opisyal. Nipaakseb ed ngaran nen Ari Asuero, tan atimbrian na samay singsing to.

Lucas 15:22

Balet tinawag nen ama ray katulong to tan inkuanto, ‘Ganatan yo! Awit yo diay sankarakepan a kawes tan isolung yod sikato. Solungan yoy singsing tan itdan yoy sandalya.

Probirbio 1:9

Say bangat da et pamaungen toy ogalim a singa pamarakep ed nengneng mo na balibalin sombriro odino kolintas.

Ester 10:3

Si Mardokeo a Judio so onkumadwad kipapasen nen Ari Asuero. Pinapagalangan tan labalabay na saray kapara ton Judio. Ginagawa toy pankaabigan na saray totoo to tan say kiarawid kaatapan na amin da ray kaybangay boleg da.

Genesis 38:18

“Antoy iter kod sikan kaletan?” tepet nen Juda. Inmebat, “Say singsing mon panagmarka, a pati say kadina to, tan say baston a sankalibit mo.” Inter ira sirin nen Juda ed sikato. Nanakdul ira, et nanlokun si Tamar.

Genesis 41:43

Impaikana to ed kinen Jose so kumadwan karwahi to, insan saray guardiad palasio nambabando rad onaan to, “Paliis kayo! Paliis kayo!” Onya so inkatoro nen Jose a gobirnador ed intiron Egipto.

1 Samuel 18:4

Inekal toy kawes ya akasolung ed laman to tan inter tod kinen David; inter to met so kawes ton para bakal a pati say ispada, pana, tan say balkes to.

Saray Salmo 73:6

Kanyan say panagpaatagey da et singa kadinan akasolung ed saray beklew da tan say panagduksa ra et singa kawes ya akakolibemben ed sikara;

Kanta nen Solomon 4:9

Say linggis na matam tan say kuintas ya akasolung ed sika, O inarok tan nobiak, et atanggoyur day pusok.

Jeremias 52:33

Kanyan naabuloyan si Joakin a salatan toy kawes ton kawes na priso, mirongo ed ari kapag panangan legay impanbilay to ni.

Isaias 3:23

saray maimimpis a kawes da, saray linen a panyo ra, saray turban tan saray andokey a pandung ya isosolung dad olo ra.