Genesis 41:25 - Maung A Balita Biblia

²⁵ Inkuanen Jose, “Saksakey so talus da ra yan duan kogip mo; imbagay Dios ed sika so gawaen to.

Maung a Balita Biblia

²⁵ Inkuanen Jose, Saksakey so talus da ra yan duan kogip mo; imbagay Dios ed sika so gawaen to.

Genesis 41:25 Referans Kwoze

Daniel 2:45

Anengneng mo no panon a ginmoray imay baton baleg a nanlapud palandey tan tinmolin ed samay talintaon balatyang, gansa, dalin, pilak, tan balituk. Say matalonggaring a Dios impaamta to, Kagalang ya Ari, so nagawa ed arapen a panaon. Sikato ya so tuan kinogip mo tan say petepeteg a kabaliksan to.”

Puyan 4:1

Kasumpal to ya, walay sananey a naimatunan kon payawar: anengneng kod tawen so sakey a puirtan lokas. Insan ko lamet nadngel imay bosis a singa tanul na sakey a trumpita ya inkuanto, “Segep ka dia, ta ipanengneng kod sikay nakaukolan ya onsoblay a nagawa.”

TAGA-EFESO 1:17

tan kekerewen kod mapagalang tan makapanyarin Ama a Dios na Katawan tin Jesu-Cristo, ya itdan to kayo komuy Ispiritu. Sikatoy mangiter ed sikayoy kakabatan, tan ipaamta tod sikayoy Dios, pian nakabatan yo.

Marcos 13:23

Manasikaso kayo! Imbagak lad sikayo ra yan amin kasakbayan iran nagawa.”

Mateo 24:40

Diad satan a panaon, walay duaran lalakin mankikimey ed alog; naalay sakey tan natilak so sakey.

Amos 3:7

Say Katawan a Dios et ag balut manggawa na antokaman ya ag to ni ipaamtad saray aripen ton propita so plano to.

Daniel 2:47

Inkuan na ari, “Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.”

Isaias 43:9

Pantitipon yo ray amin a totoo ed saray bansa. Siopad saray diriyos da so makapangipasakbay ed nagawa ed arapen a panaon? Siopad sikaray angipasakbay ed nagagawa natan? Iyarap komun na sarayan diriyos iray tasi ra a mamaneknek ya ag ira alingo, a mangipaliwawa ed katwaan na saray salita ra.

Saray Salmo 98:2

Imbawag na Katawan so impanalo to; impaamta tod saray bansa so manangilaban a pakayari to.

Josue 11:6

Say Katawan kuantod kinen Josue, “Ag kayo natatakot ed sikara. Diad onyan oras nabwas apatey ko la ran amin para Israel. Lopuy yo ray kabayo ra tan poolan yo ray karwahi ra.”

Genesis 41:16

Inmebat si Jose, “Ag ko nayarian, Kagalang kon Ari; balet say Dios so makapangiter na dugan talus na kogip.”

Exodo 9:14

No ag mo ni ra abuloyan, aliwa labat a saray opisyal mo tan saray totoom so dusaen ko, no ag ingen pati sika, pian naamtaan mo ya anggapoy kaparak diad intiron mundo.

Genesis 41:26

Saramay pitoran baka a matataba kabaliksan day pitoran taon, tan saramay pitoran dawa a maiiyan kabaliksan da met so pitoran taon; saksakey so kabaliksan da.

Genesis 41:28

Onung na imbagak lad sika, impanengneng na Dios ed sika so gawaen to.

Genesis 41:32

Say impakapidwa na kogip mo kabaliksan to a say Dios tinibokel to lad kanunotan to yan gawaen, tan asingger lan nagawa.

Genesis 40:8

Inmebat ira, “Walay kogip na balang sakey ed sikami, et anggapo diay makapangipatalus.” “Say Dios so manangipatalus,” inkuanen Jose. “Ibaga yod siak ira tay kogip yo.”