Genesis 41:23 - Maung A Balita Biblia

²³ Insan pinmaway met so pitoran dawa ya apa tan amaga, lapud adalan na dagem a nanlapud kalawakan.

Maung a Balita Biblia

²³ Insan pinmaway met so pitoran dawa ya apa tan amaga, lapud adalan na dagem a nanlapud kalawakan.

Genesis 41:23 Referans Kwoze

Oseas 13:15

Anggaman ya ombolaslas a singa dika so Israel, mangibaki ak na ampetapetang a dagem a manlapud bokig, a mamaekat ed saray sobul tan saray bobun da. Paandien to ray antokaman a mabmabli.

Oseas 9:16

Saray totood Israel et singa ra sakey a tanaman ya amagaay lamut to tan ag makapambunga. Ag la ra makaanak, et anggaman a makaanak ira, pateyen ko ray inararo ran anak.”

Oseas 8:7

No mangisibwag ira na dagem manani ra na bagyo! Say alog ya ag ontakken iray bungay tanaman to et ag balut makaiter na pantagano. Balet anggan bilang makapangiter, pambilay na saray taga arum a bansa.

2 Saray Arari 19:26

Anggapoy agawaan na saray totoon manaayam diman. Ataktakot ira tan akatanga ran nikelawan. Nagmaliw iran singa dikad alog odino dikan tinmubod toktok na abung ya alenes ira diad insiplug ed sikara na ampetapetang a dagem.

Genesis 41:6

Insan pinmaway met so pitoran dawa ya apa tan amaga ra, lapud adalan ira na dagem a nanlapud kalawakan.

Genesis 41:22

Kinogip ko met ya anengneng kon pinmaway so pitoran dawa a maiiyan tan matatakken.

Genesis 41:24

Saramay pitoran apa a dawa inakmun da ra may pitoran maiiyan. Imbagak ira yan kogip ko ed saray salamangkiro, balet anggapod sikaray makapangipatalus ed siak.”