Genesis 40:20 - Maung A Balita Biblia

²⁰ Kalabas na taloy agew, nen agew na inkianak na ari, angiparaan na ponsia a para amin ya opisyal to; impaipaway to may inkargadoy alak ed palasio tan samay pangulon panadiro to tan inyarap to rad saray opisyal to.

Maung a Balita Biblia

²⁰ Kalabas na taloy agew, nen agew na inkianak na ari, angiparaan na ponsia a para amin ya opisyal to; impaipaway to may inkargadoy alak ed palasio tan samay pangulon panadiro to tan inyarap to rad saray opisyal to.

Genesis 40:20 Referans Kwoze

Mateo 14:6

Nen agew na inkianak nen Herodes, sinmayaw so marikit ya anak nen Herodias ed arap da ray sangkaili. Aliketan a maung si Herodes.

Genesis 40:19

Kalabas na taloy agew, ibolus kay ari—balet papotul toy olom! Insan paibitin tod tiken so kabalgan mo, et kanen na saray manok so bangkay mo.”

Genesis 40:13

Kalabas na taloy agew, ibolus kay ari, pirdonaen to ka, tan ipawil to kad gendat a kimey mo. Iderew mod sikatoy kupa, a singa gagawaen mo nen sikay inkargado na alak to.

Marcos 6:21

Sinmabin siansiay pankanawnawa nen Herodias nen nantaryay Herodes ed inkianak to. Inimbitaan nen Herodes iray mambebembey ambelat iran betang ed gobirno, saray opisyal da ray sondalo, tan saray manonan totood Galilea.

2 Saray Arari 25:27

Nen taon a nagmaliw ya arid Babilonia si Evilmerodac, kinasian ton impaway ed prisowan si Joakin. Agawa ya nen kumaduamplo tan piton agew na kumatalomplo tan piton taon na inkadakep nen Joakin.

Mateo 25:19

“Kasumpal na andokey a panaon, pinmawil imay amo ra tan akikuintaan ed sikara.

Say Libro nen Job 3:1

Kayari to ya, nansalitay Job; insamba toy agew na inkianak to.

Ester 1:3

Diad kumatlon taon na panooley to imparaanan toy baleg a ponsia iray amin ya opisyal to tan saray katulong tod panooley to. Dinmagop iray sondalo na Persia tan saray sondalo na Media. Dinmagop met iray gobirnador tan saray manonan totoo ed saray luyag.

Genesis 21:8

Binmaleg imay ogaw tan diad agew ya impamaksod sikato, nantaryay baleg a ponsia si Abraham.

Saray Salmo 105:19

ya anggad tinmua so impropisiya to. Pinaneknekay salita na Katawan a tuay imbaga nen Jose.

Jeremias 52:31

Nen taon a nagmaliw ya arid Babilonia si Evil-merodac, kinasian to si Ari Joakin na Juda; impaway to ed prisowan. Agawa ya nen kumaduamplo tan limay agew na kumalabinduan bulan na kumatalomplo tan piton taon na inkapriso nen Joakin.

1 Saray Arari 3:15

Abangon si Solomon, insan to naamtaan ya akisalitad sikato so Dios diad panamegley na kogip. Insan linmad Jerusalem, nanalagey ed arap na Kaban na Sipanan na Katawan tan angisaklang ed Katawan na bagat a popoolan tan say bagat a para kareenan. Kayari to ya, nanggaway baleg a ponsia a para saray amin ya opisyal to.