Genesis 39:21 - Maung A Balita Biblia

²¹ Balet walad kinen Jose so Katawan tan binindisionan to, kanyan akaliket ed sikatoy inkargadod prisowan.

Maung a Balita Biblia

²¹ Balet walad kinen Jose so Katawan tan binindisionan to, kanyan akaliket ed sikatoy inkargadod prisowan.

Genesis 39:21 Referans Kwoze

Exodo 3:21

“Paabigen koy linawa na saray Egipsio ed sikayo, pian ag kayo ontaynan a kalima-lima.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

1 Pedro 3:17

Ta lalon maabig no mantepel kayoy kairapan, lapud panggawa yoy kamaungan no sikatoy linaway Dios, nen say mantepel kayoy kairapan, lapud panggawa yoy kaogsan.

Daniel 1:9

et say Dios impagmaliw ton mapangasi tan manunot si Aspenaz ed kinen Daniel.

Exodo 12:36

Ginawa na Katawan a galangen na saray Egipsio iray Israelita tan impaiter tod sikara iray kinekerew na saray Israelita. Diad onyan agawa, inaawit na saray Israelita iray kayamanan na saray Egipsio.

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Saray Salmo 105:19

ya anggad tinmua so impropisiya to. Pinaneknekay salita na Katawan a tuay imbaga nen Jose.

Exodo 11:3

Say Katawan impagmaliw ton magalang iray Egipsio ed saray Israelita. Impasen na saray opisyal tan amin a katoowan a matalonggaring a tuloy si Moises.

Genesis 39:2

Walad si Jose sa Katawan, kanyan maaligwas so bilay to. Nanayam ed abung na amo ton Egipsio.

Genesis 21:22

Diad saman a panaon inawit nen Abimelec si Ficol a pangulo na saray sondalo to, linma rad kinen Abraham tan inkuanen Abimelec, “Walad sikay Dios ed antokaman a gagawaen mo.

Probirbio 16:7

No makapaliket kad Katawan, napagmaliw mon kakaarom iray kalaban mo.

Genesis 40:3

impaipriso to rad abung na kapitan da ray guardia, a diman met so akaiprisoan nen Jose.

Saray Taga Roma 8:37

Andi! Sarasarag ti ra yan amin a taloen diad panamegley na Dios ya angarod sikatayo!

Daniel 6:22

Imbaki na Dios ko so anghil to ya amepet ed sangi da ray lion, pian ag da ak napasakitan. Ginawa to ya, ta amta to ya anggapoy kasalanan ko tan anggapoy maoges a ginawak ed sika, Kagalang ya Ari.”

Saray Salmo 106:46

Pinalemek toy kapusoan na saray mamapairap ed sikara kanyan akasian da ra.

Saray Salmo 105:22

a walay pakayari tod saray opisyal na ari tan pakaoley a mambangat ed saray sumisimbawa to.

Genesis 39:3

Anengneng na amo to a walad si Jose so Katawan, tan maung so pansusumpalay amin a gagawaen to.

Genesis 39:4

Makaliliket ed sikato si Potifar, kanyan ginawa to a dilin aripen to. Impasen ton inkargado na abung to tan amin a kayaryan to.