Genesis 39:17 - Maung A Balita Biblia

¹⁷ Insan inkuan na samay bii, “Samay aripen a Hebreo ya insempet mo dia et linmoob ed kuartok tan papasooten to ak.

Maung a Balita Biblia

¹⁷ Insan inkuan na samay bii, Samay aripen a Hebreo ya insempet mo dia et linmoob ed kuartok tan papasooten to ak.

Genesis 39:17 Referans Kwoze

Exodo 23:1

“Ag yo iwawakawak so tila-tilan balita, tan ag yo tutulongan so toon nankasalanan diad pantasi yo na tila.

Mateo 26:65

Kadngel na Pangulon Pari ed saya, ginebyas ton pinilat so kawes to tan inkuanto, “Nansalitay sumpad Dios! Ag tayo la nakaukolay arum ni ran tasi! Nadngel yoy kaogsay salita ton sumpad Dios!

Probirbio 19:9

Anggapoy toon mantitila ed korti a napaliisan toy dusa; asintinsiaan lan ompatey.

Probirbio 19:5

No mantila ka ed korti andi-saew a nadusa ka—ag ka makapaliis.

Probirbio 12:19

Antikey so bilay na tila, balet mansiansiad anggad angga so katwaan.

Saray Salmo 55:3

Napapagaan ak lapud panagtaktakot da ray kalaban ko, tan lapud panagpairap da ray totoon maoges. Iitdan da ak na gunigon; ampetang so olo rad siak tan kabosul da ak.

Saray Salmo 37:14

Saray totoon maoges ooyusen da ray ispada ra tan pipinaten da ray pana ra, ta pateyen da iray mairap-bilay tan saray walad pankaukolan, ta ekalan day bilay iray manggagaway kaptekan;

1 Saray Arari 18:17

Nen anengneng nen Acab si Elias, inkuanto, “A, wadya ka manaya, sikan managgunigon ed Israel!”

Exodo 20:16

“Ag ka mantitila no mantasi ka sumpad kaparam a too.

Genesis 39:14

tinawag to ray aripen to tan inkuanto, “Nengneng yo ya! Eekalan itayoy kagalangan na samay Hebreo ya insempet na asawak. Linmoob ed kuartok tan labay to ak ya akdulan, balet inmeyag ak na anggaay nayarian ko.

Genesis 39:16

Insinup to may kawes, anggad sinmempet so amo nen Jose.

Genesis 39:18

Balet nen inmeyag ak, batik ed paway, tan atilak toy kawes to ed abay ko.”

Probirbio 26:28

Saray totoon matila kabosul day titilaan da. Deral so iiter na saray salitan makapalikdo.