Genesis 39:12 - Maung A Balita Biblia

¹² Siningkat na samay asawa nen Potifar so saloy na kawes nen Jose tan inkuanto, “Akdulan mo ak la.” Balet akaokpus si Jose tan batik ed paway; atilak ed lima to may bii so kawes ton kolibemben.

Maung a Balita Biblia

¹² Siningkat na samay asawa nen Potifar so saloy na kawes nen Jose tan inkuanto, Akdulan mo ak la. Balet akaokpus si Jose tan batik ed paway; atilak ed lima to may bii so kawes ton kolibemben.

Genesis 39:12 Referans Kwoze

2 Timoteo 2:22

Kanyan paliisan moy maoges iran pilalek na kalangweran. Manseet kan magmaliw a matonung, matoor, maaro, tan mambilay kan mareen, a kaibam iray totoon malinis so puso ran ontatawag ed Katawan.

1 Pedro 2:11

Inararok, lapud sangkaili kayon mimiayam labat ed sayan mundo, kekerewen kod sikayo ya ibeneg yo la ray maoges a pilalek na laman a milalaban ed kamarerwa.

Ecclesiastes 7:26

Arumog ko a lalon ampait niy bii nen say patey. Singa patit a mangerel ed sika so panangaro tod sika odino singa sakey ya iket; singa golunggolung ya ombaliber iray taklay ton onlakap ed sika. Nibatikan ya na toon makapaliket ed Dios, balet erelen to so toon makasalanan.

Probirbio 6:5

Paway kad patit a singa manok odino singa sakey ya ulsan ibabatikan toy umaanup.

Probirbio 5:8

Arawian yo yan bii! Ag kayo anggan onsisingger ed puirtay abung to!

1 CORINTO 15:33

Ag kayo patitilaan. “Saray maoges a kaolup deralen day maung a kagagawa.”

Genesis 39:10

Anggaman ya inagew-agew ton kerewen a manakdul ira, ag labay nen Jose.

Genesis 39:8

balet ag labay nen Jose tan inkuantod sikato, “Anggapoy nepeg ya asikasoen nen amok, lapud wadya ak. Impasen to ak ya inkargado na amin a kayaryan to.

Probirbio 1:15

Anak ko, ag ka mimilad saray ontan a totoo. Arawian mo ra.

1 Samuel 15:27

Insan pinmoliktar lan ontaynan si Samuel, balet siningkat nen Saul so kolibemben to, et apilat.

Genesis 39:11

Balet aminsan ya agew nen linmoob ed abung nen Potifar si Jose a manumpal a kimey to, nibanan andi rad may aripen.

Genesis 39:13

Nen anengneng ton akabatik ed paway si Jose tan atilak so kawes tod lima to,

2 Samuel 13:11

Nen idederew to ra, siningkat nen Amnon tan kuanto, “Miakdul kad siak agik!”