Genesis 38:2 - Maung A Balita Biblia

² Akabat tod may sakey a biin Cananea a say ama to et manngaray Sua. Inasawa to, nanlokun,

Maung a Balita Biblia

² Akabat tod may sakey a biin Cananea a say ama to et manngaray Sua. Inasawa to, nanlokun,

Genesis 38:2 Referans Kwoze

1 Saray Awaran 2:3

Limaran amin so lalakin anak nen Juda. Taloray anak tod kinen Bat-sua a Cananea: di Er, Onan, tan Sela. Maoges a too si Er a pangulowan ya anak to, kanyan pinatey na Katawan.

Genesis 24:3

Labay kon isambam, diad ngaray Katawan, say Dios na tawen tan dalin, ya ag ka mampipili na asawaey anak ko ed saray totoo diad Canaan a panaayaman ko.

2 CORINTO 6:14

Ag kayo nepeg a mikasakey ed saray aliwan mananisia. Makapanolup kasiy katonungan tan say kaogsan? O say liwawa tan say bilonget?

2 Samuel 11:2

Aminsan ya agew, nen ngarngarem la, binmangon si David ed pampapainawa to, insan linmad toktok na palasio. Diad panaakar-akar tod man akanengneng na sakey a biin manaames ed abung. Magangganan maung yan bii.

Saray Huis 16:1

Aminsan ya agew linmay Samson ed Gaza a siudad na Filistia. Akabat tod man so sakey a marotak a bii tan akiakdulan to.

Saray Huis 14:2

Sinmempet tan inkuantod kinen ama tan ina to, “Walay sakey a Filistian bii diad Timna ya akasagyat na imanok. Ala yo pa, ta labay kon asawaen.”

Genesis 46:12

si Juda tan saray anak ton lalaki: Er, Onan, Sela, Fares, tan Zara (di Er tan Onan inatey irad Canaan); saray lalakin anak nen Fares et di Hezron tan Hamul;

Genesis 34:2

Nen anengneng nen Sikem a lakin anak nen Hamor a Heveo imbatik to, insan to pinasoot ya inakdulan.

Genesis 6:4

Diad saraman ya agew, tan anggan diad saray ontombuk, wala ray alan a manaayam ed dalin ya anak ira na saramay magangganan bibii tan saramay anak na Dios. Sikaray matalonggaring a bayani tan bantug a lalaki nen saman a panaon.

Genesis 6:2

Saray anak na Dios anengneng dan maganggana ra yan bibii, kanyan nampili ray inasawa ra.

Genesis 3:6

Anengneng na samay bii a marakerakep imay kiew tan masamsamit a kanen so bunga to, tan sakey a pampilpilalekan a pakagamuray kakabatan. Kanyan amorbor na bunga, insan to kinan. Initdan toy asawa to, tan kinan to met.

Saray Bilang 26:19

Say tribu nen Juda: saray boleg di Sela, Fares, Zera, Hezron, tan Hamul. (Saray duaran lalakin anak nen Juda a di Er tan Onan et inatey ira ed dalin na Canaan.)

Genesis 28:1

Tinawag nen Isaac si Jacob, inlugay to, tan inkuanto, “Ag ka mangaasaway biin Cananea.