Genesis 37:8 - Maung A Balita Biblia

⁸ “Anto? Abaloan mo sirin manari kad sikami?” tepet na saray agagi to. Kanyan lalon binosul da, lapud saray imbagbaga ton nipaakar ed kogip to.

Maung a Balita Biblia

⁸ Anto? Abaloan mo sirin manari kad sikami? tepet na saray agagi to. Kanyan lalon binosul da, lapud saray imbagbaga ton nipaakar ed kogip to.

Genesis 37:8 Referans Kwoze

Saray Gawgawa 7:35

“Impolisay na saray Israelita si Moises nen inkuanda, ‘Siopay angipasen ed sikan manoley tan huis mi?’ Balet saya met lamlamang a Moises so imbaki na Dios a manoley tan manondon, diad tulong na anghil a pinmayawar ed sikato diad abeban kiew.

1 Samuel 10:27

Balet wala ray pigaran andi-kakanaan a totoo ya inkuanda, “Panon to itayon niyagel yan too?” Binalaw day Saul tan ag da initdan na antokaman.

Saray Hebreo 10:29

Diad isisip yo, ag kasi lalon ambelat so dusay sakey a toon balawen toy Anak na Dios, murmuraen toy dala ya amabiskeg ed sipanan ya amasantod sikato, tan pabaingan toy mapangasin Ispiritu?

Lucas 20:17

Ninengneng ira nen Jesus tan tinepet to, “Anto sirin so labay ya ibagay Masanton Sulat? ‘Say baton imbantak na saray karpintiro, nagmaliw lamlamang a sankakanaan a bato.’

Lucas 19:14

Balet kabosul na saray dilin kabaleyan to, kanyan kasiput to, angibaki ray mangibaga, ‘Ag mi labay a manarid sikami yan too.’

Saray Salmo 118:22

Say baton impasen ya andi-kakanaan na saray karpintiro nagmaliw lamlamang a sankakanaan a bato.

1 Samuel 17:28

Si Eliab a sankapangulowanan a kuya nen David, nadngel toy David a mitotongtong ed saray totoo. Asanukan ed kinen David tan kuanto, “Antoy gagawaen mo dia? Siopay manaasikasod saray pigaran karniro diad kalawakan? Mamaung ka! Linma ka dia labat a mambantay ed bakal!”

Exodo 2:14

Inmebat imay too, “Siopa so anorod sika a manoley tan manintinsia ed sikami? Labay mo ak a pateyen a singa impamatey mod samay Egipsio?” Tinmakot ed satan si Moises tan inkuantod sikaton dili, “Akabatan la na totoo imay ginawak.”

Genesis 49:26

Saray bindision a trigo tan saray rosas, Saray bindision a dagdaan iran palandey, Saray makapalikliket a bengatlan manlalapud andi-anggaan iran pokdul. Mansiansia komun ira yan bindision ed olo nen Jose, Diad muling na samay nibiig nen saman ed saray agagi ton lalaki.

Genesis 37:4

Nen anengneng na saray agagi nen Jose ya inaro ni nen Jacob ya ama ra nen say sikara, aliwa-liway pitotongtong dad sikato lapud kabkabosul da.

Genesis 27:41

Binosul nen Esau si Jacob lapud sikatoy angiteran na ama ra na samay bindision. Inkuanen Esau ed sikaton dili, “Asingger lay ipatey nen amak tan say panermen ed sikato; kasumpal to ya, pateyen koy Jacob.”

Genesis 37:9

Insan nankogip lamet si Jose tan inkuantod saray agagi to, “Nankogip ak lamet. Anengneng koy agew, bulan, tan labinsakey a bitewen a tinmuek irad siak.”

Genesis 42:10

“Andi, katawan,” ebat da. “Linma kami dia, sikamin aripen mo, ta manaliw kamiy tagano.

Genesis 44:18

Inmasingger si Juda ed kinen Jose tan inkuanto, “Abuloyan mo ak pan misalitad sika. Ag ka komun mamapasnuk ed siak, O katawan; kaparam lay ari.

Genesis 50:18

Insan saray agagi ton dili so dinmago tan dinmakmomo rad sikato. Inkuanda, “Nia kami ran aripen mo.”

Deuteronomio 33:16

Napano komun na amin a kaabigan so dalin da. Nabindisionan komun na kaabigan na Katawan, A nansalitan nanlapud mandarlang ya abeban kiew. Onsabi komun ira yan bindision ed tribu nen Jose Ta sikato so pangulo da ray agagi ton lalaki.

1 Samuel 18:8

Ag ya labay nen Saul, tan pinmetang so olo to. Inkuanto, “Ibabaga ran asamplon liboy pinatey nen David, balet nilibo labat ed siak. Anggapo lay nagawan onsoblay no ag say panari to!”