Genesis 37:35 - Maung A Balita Biblia

³⁵ Dinmagon amin iray anak ton lalaki tan bibii a manligliwad sikato, balet ag to labay so naligliwa tan inkuanto, “Anggan wala ak lad pasen a panaayaman da ray inaatey, panermenan ko ni so anak ko.” Kanyan ag to tinondaan ya inermenan si anak ton Jose.

Maung a Balita Biblia

³⁵ Dinmagon amin iray anak ton lalaki tan bibii a manligliwad sikato, balet ag to labay so naligliwa tan inkuanto, Anggan wala ak lad pasen a panaayaman da ray inaatey, panermenan ko ni so anak ko. Kanyan ag to tinondaan ya inermenan ko ni so anak ko. Kanyan ag to tinondaan ya inermenan si anak ton Jose.

Genesis 37:35 Referans Kwoze

Say Libro nen Job 2:11

Say paniirap nen Job abalitaan na saray taloran kakaaro to a di Elifaz a taga Teman, Bildad a taga Sua, tan Zofar a taga Naaman. Nampapakna ran talo a bisitaen day Job, ta ligliwaen da.

2 Samuel 12:17

Laen na saray opisyal na palasio a bangonen, balet ag to, tan ag mangan a kaiba to ra.

Genesis 42:38

Balet inkuanen Jacob, “Ag nayarin milad sikayoy anak ko; inatey lay agi to, tan sikato labat lay atilak. Nayarin walay maoges a nagawad sikato diad dalan. Masiken ak la; ompatey ak ed ermen ya iter yod siak.”

Jeremias 31:15

Say Katawan kuanto, “Nadngel so tanul ed Rama, tanul na ampaipait a pannangis tan panugaog. Si Raquel saray anak to nanangisan to ra; maneermen tan ag naligliwa, ta naandi la ra.

Saray Salmo 77:2

Mampikasi ak ed Katawan, no nagugunigon ak; sanlabin itatagey ko ray limak diad pampipikasik, balet ag ak naliligliwa.

Genesis 45:28

Insan inkuanto, “Mabilay niy anak kon Jose! Anto niy kerewen ko? Nakaukolan ya onla ak, pian nanengneng ko kasakbayan na ipatey ko.”

Genesis 42:31

‘Aliwa kamin ispia,’ ebat mi, ‘maung kamin totoo.

Genesis 31:43

Inmebat si Laban ed kinen Jacob, “Anak ko ra yan bibii, kayaryan ko ray anak da, tan kayaryan ko met ira yan ayayep. Kayaryan koy amin a nanenengneng mo dia. Balet anggapoy nagawaan kon mamokpok ed saray anak ko tan saray anak da.

Genesis 35:29

kanyan mataktakken la nen inatey. Imponpon na saray anak to a di Esau tan Jacob.

2 Samuel 12:23

Balet natan ta inatey la, akin et manayuno ak? Napabilay ko ta ni? Onsabiy agew ya onla ak ed pasen a kawalaan to, balet ag to lan balut makapawil ed siak.”

Ecclesiastes 9:10

Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Genesis 48:11

Inkuanen Jacob ed kinen Jose, “Ag kon balut inilaloan a nanengneng ta ka ni, et natan inyabuloy ni ingen na Dios a nanengneng kon pati saray anak mo.”

2 Samuel 19:1

Nibagad si Joab a panaakisan tan paneermenan nen David si Absalom.

1 Saray Awaran 7:22

Pigapigan agew so impanermen ed sikara nen Efraim ya ama ra, insan dinago na saray agagi ton lalaki, ta niligliwa ra.

Saray Salmo 77:3

No nunoten koy Dios, mandageyem ak; no mandalepdep ak, onkakapoy so linawak.