Genesis 37:20 - Maung A Balita Biblia

²⁰ Pateyen tayo, insan tayo ibantak ed bobun so bangkay to. Ibaga tayon pinatey na ayep ed katakelan. Nengnengen tayod satan no antoy pagmaliwan na saray kogip to.”

Maung a Balita Biblia

²⁰ Pateyen tayo, insan tayo ibantak ed bobun so bangkay to. Ibaga tayon pinatey na ayep ed katakelan. Nengnengen tayod satan no antoy pagmaliwan na saray kogip to.

Genesis 37:20 Referans Kwoze

Tito 3:3

Ta nen saman makulang-kulang itayo met, benger, tan apalingo. Naaripen itayoy maoges a pilalek na laman tan minumundo ran likeliket. Nambilay itayon maoges so kanunotan, maimon itayo; binobosul da itayo tan binobosul tayo ra.

Probirbio 27:4

Maruksa tan makaderal so pasnuk, balet ag nayarin ipara ed imon.

2 Saray Arari 2:24

Nilingaw to ra, minoldagatan to ra, tan insamba to rad ngaran na Katawan. Kabebekta pinmaway ed takel so duaran uso a kabatyan tan binibingkas day apataplo tan dua ed saramay ogogaw a lalaki.

Juan 3:12

No ag yo ak sisiaen ed sasalitaen kod sikayo nipaakar ed mangaraldalin a bengatla, panoy panisia yod siak sirin no salitaen ko ray nipaakar ed mangatatawen a bengatla?

Probirbio 10:18

Matila so toon iyaamut toy panagbosul to. Makulang-kulang so toon managtalabutob.

Probirbio 1:16

Magangganat iran manggaway kaogsan. Mammainomay day mamatey.

Saray Salmo 64:5

Mampapabiskegan iray linawa nipaakar ed saray maoges a komplut da; pantotongtongan da no iner so pangiliraan da ray patit da. “Anggapoy makanengneng ed saraya,” kuanda.

1 Saray Arari 13:24

Linma la may propitan taga Juda, tan diad dalan inabet na lion tan pinatey da. Abaktar ed dalan so bangkay na samay propita, tan nanalagey ed abay to imay asno tan samay lion.

1 Samuel 26:2

Amiliy Saul na talon libon sankamaungan a sondalo na Israel tan kaiba to ran linman mananap ed kinen David diad Zif.

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

1 Samuel 24:20

Amtak la natan ya andi-duaruwan manari kad Israel, tan mansiansiay nanarian diad silong na oley mo.

Genesis 37:19

Inkuan na sakey tan sakey ed sikara, “Nia la may managkogip.

Genesis 37:26

Inkuanen Juda ed saray agagi to, “Antoy nagunggona tayod pamatey ed agi tayo, insan tayo ibori?

Genesis 37:32

Inyakar da may kawes ed kinen ama ra tan inkuanda, “Nalmo mi ya. Nengneng yo pa no kayaryan nen anak yo.”

Genesis 37:33

Abirbir to tan inkuanto, “On, kawes to! Pinatey na sakey ya ayep ed katakelan. Abingbingkas si Jose ya anak ko!”

Genesis 45:3

Inkuanen Jose ed saramay agagi to, “Siak si Jose. Mabilay nin tuay amak?” Balet diad ontan lan takot da ra may agagi to, ag ira makaebat.

Probirbio 1:10

Anak ko, no tuksoen ka na saray makasalanan, ag ka onaabuloy.

Isaias 28:15

Ipapanta yo ya akisipanan kayo ed patey tan akipaknaan kayod pasen a panaayaman da ray inaatey. Ag yo panduaduarowaan a napaliisan yoy deral no onsabi, lapud manmamatalek kayo ya iyagel kayo na saray tila tan saray palikdo.