Genesis 37:14 - Maung A Balita Biblia

¹⁴ Inkuanen ama to, “Nengneng mo no antoy kipapasen da ray agagim tan saray karniro, insan pawil ka dia tan ibagam ed siak.” Kanyan pinasiput nen ama to ed Patar na Hebron. Sinmabiy Jose ed Sikem,

Maung a Balita Biblia

¹⁴ Inkuanen ama to, Nengneng mo no antoy kipapasen da ray agagim tan saray karniro, insan pawil ka dia tan ibagam ed siak. Kanyan pinasiput nen ama to ed Patar na Hebron. Sinmabiy Jose ed Sikem,

Genesis 37:14 Referans Kwoze

Genesis 35:27

Binmisitay Jacob ed kinen ama ton Isaac diad Namre, ya asingger ed Hebron, tan nanayaman nen Abraham tan Isaac.

Lucas 19:42

tan inkuanto, “No natalusan mo labat ed sayan agew no antoy makapangiter ed sikay kareenan! Balet natan niamut ed saray matam!

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

Jeremias 29:7

Mankimey kayo a pankaabigan na saray siudad a nampaiprisoan kod sikayo. Ipikasi yo ed siak ira ta no maaligwas ira, maaligwas kayo met.

1 Saray Arari 2:33

Andi-anggaan so pakadusa nen Joab tan saray kabyangay boleg to, lapud sarayan impamatey tod saray totoon anggapoy kasalanan. Balet paaligwasen lawas na Katawan so siopaman ed saray kabyangay boleg nen David ya onyorung ed trono to.”

2 Samuel 18:32

“Maung so kipapasen na malangwer a lakin si Absalom?” tepet na ari. Inmebat imay aripen, “Maung komun a say agawad sikato et nagawa met ed amin da ray kalaban mo, tan amin ya onsumpad sika.”

Josue 14:13

Binindisionan nen Josue si Caleb a lakin anak nen Jefone tan inter tod sikato so siudad na Hebron.

Saray Bilang 13:22

Linma ran inmona ed abalaten na samay dalin tan akasabi ra ed Hebron a panaayaman na saray boleg di Ahiman, Sesai, tan Talmai, a kabyangan ira na poli na alan a tatawagen na Anakim. (Say Hebron et niletneg lan pitoy taon kasakbayan na inkiletneg na Zoan ed Egipto.)

Genesis 41:16

Inmebat si Jose, “Ag ko nayarian, Kagalang kon Ari; balet say Dios so makapangiter na dugan talus na kogip.”

Genesis 29:6

“Maksil ni?” tepet to. “On,” ebat da, “Nengneng mo, nia lay Raquel ya anak to, a kaiba to ray karniro nen ama to.”

Genesis 23:2

Inatey ed Hebron diad dalin na Canaan tan lapud saya, nanermen si Abraham.

Genesis 13:18

Inyalis nen Abram so tulda to ed abay na saray masanton kiew ed Mamre diad Hebron tan nanayam diman. Nanggawad man met na altar a para Katawan.

Josue 14:15

Kasakbayan to ya say Hebron et tatawagen na siudad na Arba. (Si Arba et sankabiskegan nen saman ed saray Anakim.) Wala natan so kareenan ed sayan dalin.

Genesis 23:19

Insan imponpon nen Abraham si asawa ton Sara ed saman ya ongib ed alog na Macpela a nibokig na Mamre ed dalin na Canaan.

Genesis 37:15

tan manliliber-liber diman nen anengneng na sakey a too a nantepet, “Antoy aanapen mo?”

Josue 14:14

Anggad natan kayaryan ni ya na saray kabyangay boleg nen Caleb a lakin anak nen Jefone a Cenizeo so Hebron, lapud matoor ton inonur so Katawan a Dios na Israel.

Saray Huis 1:10

Linma ran akibakal ed saray Cananeon manaayam ed siudad na Hebron a tatawagen nen saman na Kiryat-arba. Tinalo dad man iray boleg di Sesai, Ahiman, tan Talmai.

2 Samuel 11:7

Nen sinmabiy Urias, tinepet nen David ed sikato no maung kasiy kipapasen nen Joab tan saray sondalo, tan no antoy nagagawad bakal.

Genesis 43:27

Tinepet toy kipapasen da, insan to ni tinepet, “Komusta may ama yon asalita yod siak? Mabilay ni tan maksil ni?”

1 Samuel 17:22

Intilak nen David ed opisyal a managasikasoy abasto so awit to, linmad saray nandarasig a sondalon mibakal, dinago to ray kuya to, tan tinepet toy kipapasen da.

Ester 2:11

Inagew-agew a manakar a mampawil-pawil ed arap na solar na harim si Mardokeo, pian naamtaan to no antoy kipapasen nen Ester tan no antoy pansumpalan to.