Genesis 37:11 - Maung A Balita Biblia

¹¹ Mangimon iray agagi nen Jose ed sikato, balet ninudnunot ira ya nen ama to.

Maung a Balita Biblia

¹¹ Mangimon iray agagi nen Jose ed sikato, balet ninudnunot ira ya nen ama to.

Genesis 37:11 Referans Kwoze

Saray Gawgawa 7:9

“Saray anak nen Jacob angimonan day Jose, kanyan inlako ra a paaripen ed Egipto. Balet walad sikatoy Dios,

Lucas 2:51

Kaiba ran pinmawil si Jesus ed Nazaret, tan matoluk ed saray atateng to. Inyatol nen ina to ra yan amin ed puso to.

Lucas 2:19

Ninunnunot ira yan amin nen Maria tan inyatol to rad puso to.

Daniel 7:28

Sikato yay samput na samay inkagawa. Ataktakot ak a maung kanyan pinmotiy bosaleg ko, tan pinokuk kod siak a dili ira yan amin ya agawa.

Santiago 4:5

Ompan abaloan yon andi-kakanaay ibabagay Masanton Sulat: “Say Ispiritu ya inter na Dios ed sikatayo et napno na saray masebeg a pilalek.”

Tito 3:3

Ta nen saman makulang-kulang itayo met, benger, tan apalingo. Naaripen itayoy maoges a pilalek na laman tan minumundo ran likeliket. Nambilay itayon maoges so kanunotan, maimon itayo; binobosul da itayo tan binobosul tayo ra.

TAGA GALACIA 5:21

panagibeg, panagbuanges, alablabas a panagliket, tan arum ni ran singa saraya. Papasakbayan ta ki lamet a singa samay inmona: saray manggawad saraya, ag da natawir so Panariay Dios.

Saray Gawgawa 13:45

Balet ontan lay pangimon da ray Judio nen anengneng dan amayamay so totoo, kanyan sinasangsang day ibabaga nen Pablo tan pinapaoges da ni.

Marcos 15:10

Ta kabkabat nen Pilato ya inyawat na saray manonan papari si Jesus ed sikato, lapud pakakaibeg da.

Mateo 27:18

Ta kabkabat nen Pilato ya inyawat day Jesus ed sikato lapud pakakaibeg da.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Isaias 11:13

Ag la onimon ed satan so nanarian na Israel ed Juda, tan ag la kalaban na Israel so Juda.

Ecclesiastes 4:4

Naaralan ko a saray totoo mapalaloy inkakoli ran mankimey, lapud makakaibeg irad kayaryan na kaabay da. Balet andi-kakanaan met ya. Singa ka met labat onoosil ed dagem.

Saray Salmo 106:16

Diad kalawakan angimon irad kinen Moises tan diad kinen Aaron, say masanton aripen na Katawan.

Genesis 24:31

Inkuanto, “Mila kad siak ed abung mi. Sakey kan too a binindisionay Katawan. Akin et manalalagey ka dia? Walay kuartod abung mi ya akaparaan ed sika, tan walay pasen met na saray kamilyom.”

Genesis 37:12

Aminsan ya agew, nen saray agagi nen Jose et linma rad Sikem a mampastol na saray karniro nen ama ra,

Genesis 42:9

Anunotan to ra may kogip ton nipaakar ed sikara, et inkuanto, “Ispia kayo; linma ki dian mannengneng no antoy kakapoyan na bansa mi.”

1 Samuel 18:8

Ag ya labay nen Saul, tan pinmetang so olo to. Inkuanto, “Ibabaga ran asamplon liboy pinatey nen David, balet nilibo labat ed siak. Anggapo lay nagawan onsoblay no ag say panari to!”