Genesis 35:3 - Maung A Balita Biblia

³ Onekal itayo la dia tan onla itayo ed Betel, a dimay panggawaan koy altar a para Dios a tinmulong ed siak nen wala ak ed kairapan tan inoolup to ak ed inerman a nilak.”

Maung a Balita Biblia

³ Onekal itayo la dia tan onla itayo ed Betel, a dimay panggawaan koy altar a para Dios a tinmulong ed siak nen wala ak ed kairapan tan inoolup to ak ed inerman a nilak.

Genesis 35:3 Referans Kwoze

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Genesis 32:7

Ataktakot tan agunigon si Jacob. Impankadwa to ray totoon kaiba to, saray karniro, kanding, baka, tan saray kamilyo.

Genesis 31:3

Insan inkuan na Katawan ed sikato, “Pawil ka lad dalin na saray atateng mo tan saray kakanayon mo. Olupen ta ka.”

Probirbio 3:6

Diad amin a gawaen mo nunot mo lawas so Katawan, et iwanwan to kad maptek a dalan.

Genesis 31:42

No ag ak labat tutulongan na Dios da ray atateng ko, say Dios ya inggalang di Abraham tan Isaac, pinataynan yo ak la komun a kalima-lima. Balet anengneng na Dios so gunigon ko tan say kimey ko; kalabyan inter to lay sintinsia to.”

Isaias 30:19

Ag kayo la onakis, sikayo ran totoon manaayam ed Jerusalem. Mapangasi so Katawan, et no onkerew kayod sikato na tulong, ebatan to kayo.

Saray Salmo 107:6

Insan diad inkagunigon da, tinmawag irad Katawan, et inyagel to rad paniirap da.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Genesis 32:24

balet tinmilak a bukbukor to. Insan sinmabiy sakey a too tan akibalsakan ed kinen Jacob ya anggad palbangon.

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.”

Saray Salmo 107:8

Nepeg dan pisalamatan so Katawan, lapud ag mangoman a panangaro to, lapud makapakelaw iran ginagawa ton para sikara!

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

Genesis 35:4

Inter da sirin ed kinen Jacob iray amin a walad sikaran diriyos na arum a bansa, pati saray ikaw ya akabitin ed saray layag da. Inkotkot to ra yan amin ed silong na kiew a robli ya asingger ed Sikem.

Genesis 35:7

Nanggawad man na altar tan inngaran to man a pasen na Betel, ta dimay pinayawaran na Dios ed sikato nen ibabatikan toy agi to.

1 Samuel 10:3

Ituloy moy kurang mo ya anggad pakasabim ed masanton kiew diad Tabor, a dimay pakaabetan mod taloran lalaki ya onlad Betel a diman ira mangisaklang na bagat ed Dios. Igagayugoy na sakey ed sikara so taloran kanding, sankaawit na sakey so taloran tinapay, tan sankaawit na kumatlo so katat a pananginan a napnoy alak.

Genesis 48:15

Insan to binindisionan ni Jose: “Sarayan lalaki bindisionan ira komun na Dios, say Dios a nilingkuran di amak ya Abraham tan amak ya Isaac! Bindisionan ira komun na Dios ya angiwanwan ed siak ya anggad sayan agew!