Genesis 35:20 - Maung A Balita Biblia

²⁰ Angyan diman si Jacob na baton pakanudnunotan; anggad natan sikato niy tanda na lobuk nen Raquel.

Maung a Balita Biblia

²⁰ Angyan diman si Jacob na baton pakanudnunotan; anggad natan sikato niy tanda na lobuk nen Raquel.

Genesis 35:20 Referans Kwoze

1 Samuel 10:2

No taynan mo ak ed sayan agew, nasabat moy duaran lalaki diad abay na lobuk nen Raquel diad Selsa, diad pasen a sakop nen Benjamin. Ibaga rad sika a nalmo la ra may asno ya aanapen mo, kanyan ag la ra pampapagaan nen amam no ag ingen sika natan so pampapagaan to. Pitepet to, ‘Anto kasiy gawaen kon nipaakar ed samay anak ko?’

Genesis 35:14

Diman ed samay pasen ya akitongtongay Dios ed sikato, angipaalagey si Jacob na baton pakanudnunotan tan insaklang tod Dios diad impangikalbo toy alak tan larak na oliba.

Genesis 35:9

Nen pinmawil si Jacob a nanlapud Mesopotamia, pinmayawar lamet ed sikato so Dios tan binindisionan to.

Genesis 48:7

Gagawaen ko ya, lapud kinen inam a Raquel. Kaermenan kon tuloy nen inatey si Raquel ed dalin na Canaan ya ag arawid Efrata, nen ompapawil ak a nanlapud Mesopotamia. Imponpon kod man diad gilig na dalan a mamaarap ed Efrata.” (Betlehem so tawag natan ed Efrata.)