Genesis 35:11 - Maung A Balita Biblia

¹¹ Insan inkuan na Dios ed sikato, “Siak so Dios a Makapanyarin-amin. Nawalaan kay amayamay ya anak. Manlapud sika ray bansa tan arari.

Maung a Balita Biblia

¹¹ Insan inkuan na Dios ed sikato, Siak so Dios a Makapanyarin-amin. Nawalaan kay amayamay ya anak. Manlapud sika ray bansa tan arari.

Genesis 35:11 Referans Kwoze

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Genesis 22:17

isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da.

Genesis 9:1

Si Noe tan saray anak ton lalaki et binindisionan ira na Dios ya inkuanto, “Mamparakel kayoy anak, pian nakayatan day intiron mundo.

2 CORINTO 6:18

Siak met lad satay magmaliw ya ama yo, tan sikayon lalaki tan bibii met la so magmaliw ya anak ko, say Makapanyarin-amin a Katawan onyay ibabaga to.”

Exodo 6:3

Pinmanengneng ak a Makapanyarin-amin a Dios ed kindi Abraham, Isaac, tan Jacob, balet aliwan diad panamegley na masanton ngaran ko a Yahweh.

Genesis 17:16

Bindisionan ko tan makaanak kad sikato na sakey a laki. Bindisionan ko, et magmaliw ya ina na saray bansa, tan wala ray magmaliw ya arari ed saray kabyangay boleg to.”

Genesis 15:5

Say Katawan pinapaway to tan inkuanto, “Nengneng moy tawen tan salim a bilangen iray bitewen; ontan naani so karakel na saray kabyangay boleg mo.”

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Exodo 1:7

Balet amayamay iray anak tan apo na saman a kailalakan, a salanti saray Israelita; dinmakerakel ira tan nagmaliw iran makapanyarin tuloy, kanyan kinmayat iran nanayam ed intiron bansa na Egipto.

Genesis 43:14

Iyabuloy komun na Dios a Makapanyarin-amin a kasian to kayo tay too, pian ipawil tod sikayo si Benjamin tan samay sakey ya agi yo. Para say siak, no nepeg a naandid siak iray anak ko, sipaparaan ak.”

Genesis 32:12

Ag mo pa lilingwanan ya insipan mon ag mo ak paolyan pian maung so pansumpalan ko; insipan mo met ya itdan mo ak na saray kabyangay boleg ko a diad kinarakel da et ag ira nabilang, ta singa kinarakel na buer ed gilig na dayat so bilang da.”

Genesis 28:14

Magmaliw iran singa karakel na dabuk ed dalin. Onkayat ira ed amin a sokung na mundo, tan diad panamegley mo tan saray kabyangay boleg mo, bindisionan ko ray amin a bansa.

Genesis 18:18

Magmaliw a baleg tan makapanyarin bansa iray kabyangay boleg to, tan diad panamegley to bindisionan kon amin iray bansa.

Genesis 18:14

Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.”

Genesis 13:16

Diad karakel na iter kod sikan kabyangay boleg mo, no bilangen mo ra singa ka mambibilang na dabuk.

Genesis 46:3

“Siak so Dios, say Dios nen amam,” inkuanto. “Ag ka natatakot ya onlad Egipto; gawaen kod man a baleg a bansa iray kabyangay boleg mo.

Genesis 9:7

“Natan, nakaukolan a mamparakel kayoy anak, pian onkayat ed intiron mundo iray kabyangay boleg yo.”

Genesis 17:4

“Misipanan ak ed sika; pagmaliwen ta kan ama na amayamay a bansa.

Genesis 36:31

Kasakbayan a walay ari ed Israel, saraya so arari a nanoley ed dalin na Edom: Bela ya anak nen Beor a taga Dinaba Jobab ya anak nen Zera a taga Bosra Husam a taga Teman Hadad ya anak nen Bedad a taga Avit (tinalo to ray Madianita diad bakal ed bansa na Moab) Samla a taga Masreca Saul a taga Rehobot a gilig na Ilog Baal-hanan ya anak nen Acbor Hadad a taga Pau (si Mehetabel so asawa to ya anak nen Matred tan apo nen Mezahab)

Genesis 47:27

Nanayam ed Egipto ira may Israelita, diad Gosen; minmayaman ira tan dinmakerakel ira.

Levitico 26:42

nunoten koy impisipanan kod kinen Jacob, tan diad kinen Isaac tan diad kinen Abraham, tan pasimbaloen koy sipan ko ya iter kod saray totook so dalin.

1 Saray Awaran 16:17

Say Katawan akisipanan ed kinen Jacob, say andi-anggaan ya impisipanan tod kinen Israel.

Exodo 2:24

Dinengel toy ngesnges da, ta anunotan toy impisipanan tod kindi Abraham, Isaac, tan Jacob.

1 Saray Awaran 16:16

say impisipanan tod kinen Abraham, say sinambaan tod kinen Isaac.

1 Saray Awaran 16:18

“Iter kod sikay dalin na Canaan,” inkuanto. “Sikatoy tawiren mo.”