Genesis 35:1 - Maung A Balita Biblia

¹ Inkuan na Dios ed kinen Jacob, “Lakan tampol ed Betel tan manayam kad man. Manggawa kad may altar a para siak a Dios a pinmayawar ed sika nen ibabatikan moy agim ya Esau.”

Maung a Balita Biblia

¹ Inkuan na Dios ed kinen Jacob, Lakan tampol ed Betel tan manayam kad man. Manggawa kad may altar a para siak a Dios a pinmayawar ed sika nen ibabatikan moy agim ya Esau.

Genesis 35:1 Referans Kwoze

Genesis 31:13

Siak imay Dios a pinmayawar ed sika diad Betel, a dimay angipaalageyan moy bato a pakanudnunotan tan insaklang mon masanto ed siak—tan diman met so nanggawaan moy sakey a sinambaan a sipan ed siak. Natan mamparaan ka, taynan kad sayan dalin tan pawil kad dalin a nianakan mo.’”

Oseas 12:4

akibalsakan ed sakey ya anghil, et analo. Inmakis tan akikerew na bindision. Diad Betel linmay Dios ed laki tayon Jacob tan akisalitad sikato.

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

Genesis 35:7

Nanggawad man na altar tan inngaran to man a pasen na Betel, ta dimay pinayawaran na Dios ed sikato nen ibabatikan toy agi to.

Genesis 31:3

Insan inkuan na Katawan ed sikato, “Pawil ka lad dalin na saray atateng mo tan saray kakanayon mo. Olupen ta ka.”

Saray Salmo 47:4

Pinili toy dalin a panaayaman tayo natan, say ikikinun a kayaryan na saray totoon inaro to.

Exodo 2:15

Nen akabatan na ari so agawa, ingganggan ton pateyen si Moises. Balet batik si Moises ed dalin na Madian tan diman nanayam. Aminsan ya agew a manyodyorung si Moises ed abay na bobun,

Genesis 22:14

Inngaran nen Abraham iman a pasen na “Say Katawan so Mangiter.” Tan anggad natan, ibabalikas na totoo, “Mangiter so Katawan diad palandey to.”

Genesis 16:8

tan inkuanto, “Agar ya aripen nen Sarai, nanlapwan mo tan iner so laen mo?” Inmebat, “Ibabatikan koy amok a bii a si Sarai.”

Genesis 12:8

Insan tinmuloy ed bandad abalaten diad nipokdul a pasen a nibokig na Betel, tan nankampod nanleetan na Betel tan Hai diad bokig. Nanggawa met diman na altar tan inggalang toy Katawan.

Nahum 1:15

Bantag yo, onsasabid kapalandeyan so sakey ya ibabakin sankaawit toy maung a balita! Wala lad dalan a mangibawag na pananalo! Totood Juda, silibraan yo ray pista yo tan iter yoy sinambaan yon iter ed Dios, ta ag lan balut nalooban na saray totoon maoges so dalin yo. Sigput la ran aderal!

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

Genesis 34:31

Balet inmebat ira, “Ag nayarin gawaen dan singa marotak a bii si Dina ya agi mi.”

1 Samuel 10:3

Ituloy moy kurang mo ya anggad pakasabim ed masanton kiew diad Tabor, a dimay pakaabetan mod taloran lalaki ya onlad Betel a diman ira mangisaklang na bagat ed Dios. Igagayugoy na sakey ed sikara so taloran kanding, sankaawit na sakey so taloran tinapay, tan sankaawit na kumatlo so katat a pananginan a napnoy alak.

Genesis 29:1

Intuloy nen Jacob so akar to tan amaarap ed dalin a bandad Bokig.

Genesis 35:15

Inngaran to na Betel iman a pasen.