Genesis 34:2 - Maung A Balita Biblia

² Nen anengneng nen Sikem a lakin anak nen Hamor a Heveo imbatik to, insan to pinasoot ya inakdulan.

Maung a Balita Biblia

² Nen anengneng nen Sikem a lakin anak nen Hamor a Heveo imbatik to, insan to pinasoot ya inakdulan.

Genesis 34:2 Referans Kwoze

Say Libro nen Job 31:9

No naayat ak na asawa na kaabay ko, tan nanalagar ak ya akaamut ed paway na puirta to,

Mateo 5:28

Balet ibagak ed sikayo natan: siopamay onlilinggis a walay getma ton marotak ed sakey a bii, mankakasalanan lad puso to na pikakaloguran.

Probirbio 13:20

Miolup kad saray makabat et magmaliw kan makabat. No mikaarod kad saray makulang-kulang naderal ka.

Say Libro nen Job 31:1

Sinambaan ko ya ag ak onlinggis a walay marotak a getmak ed sakey a marikit.

Saray Huis 14:1

Aminsan ya agew linmad Timna si Samson tan akanengneng diman na sakey a biin Filistia.

2 Samuel 11:2

Aminsan ya agew, nen ngarngarem la, binmangon si David ed pampapainawa to, insan linmad toktok na palasio. Diad panaakar-akar tod man akanengneng na sakey a biin manaames ed abung. Magangganan maung yan bii.

Deuteronomio 22:29

nepeg a mambayar ed ama na samay bii na limamplon kuartan pilak, tan samay bii et magmaliw ya asawa to, lapud pinasoot ton akiakdulan. Ag ton balut nisiyan legan ton mambilay.

Deuteronomio 22:24

nepeg ya iyakar yo ra ed paway na baley tan diman yo ra tupaken ya anggad ag da ipatey. Samay bii et nepeg a pateyen lapud ag inmeyag a kinmerew na tulong, anggaman a walad baley. Samay laki et nepeg a pateyen lapud akiakdul ed biin akisipanan lan miasawa. Diad ontan, napaandipat yo yan kaogsan.

Deuteronomio 21:14

No diad idalan na panaon et ag yo la labay, nepeg ya ibolus yo la. Bangta pinasoot yon akiakdulan, ag yo nayarin ipasen a sakey ya aripen insan yo ilako.

Genesis 33:19

Sinaliw to man a parti na alog ed saray kabyangay boleg nen Hamor ya ama nen Sikem; sanlasus a kuartan pilak so imbayar to.

Genesis 20:2

imbaga ton agi toy Sara ya asawa to. Kanyan impaawit nen Ari Abimelec na Gerar si Sara.

Genesis 10:17

Heveo, Arkeo, Sineo,

Genesis 6:2

Saray anak na Dios anengneng dan maganggana ra yan bibii, kanyan nampili ray inasawa ra.

Genesis 34:3

Balet nen naimano ton magangganan tuloy si Dina, sinmabiy baleg a panibeg tod sikato tan kinokoyung to.

Genesis 34:30

Inkuanen Jacob ed kindi Simeon tan Levi, “Initdan yo ak na gunigon; natan bosulen ak na saray Cananeo, saray Perezeo, tan amin iray wadyad sayan pasen. Dagdaiset iray totook; no mankakasakey iran amin, insan da ak labanan, ompatey so intiron pamilya tayo.”

Saray Huis 9:28

Inkuanen Gaal, “Anto itayon klasin totood Sikem? Akin et manlilingkur itayod kinen Abimelec? Siopa ta man a too a? Anak labat nen Gedeon, anto? Onur-onur ed sikato si Zebul, balet akin et manlilingkur itayod sikato? Nepeg a matoor kayod laki yon Hamor a sengeg na boleg yo!

Genesis 34:27

Kasumpal na impanpapatey nen Simeon tan si Levi, sinmabi ray arum ya anak nen Jacob tan inala ray amin a naala ra ed baley. Ginawa ra ya, pian makabawi ra ed inkaderal na kagalangan na agi ra.

Josue 9:7

Balet inkuan ed sikara na saray lalaki na Israel, “Akin et mipaknaan kamid sikayo? Angangko asingger dia so panaayaman yo.”

2 Samuel 11:4

Angibakiy David na saray mangawit ed kinen Bat-seba; inawit da, insan to inakdulan. (Karkayariy binulan a panaglinis nen Bat-seba onung ed ganggan.) Insan la sinmempet.

2 Samuel 13:14

Balet ag dengelen nen Amnon; et lapud mabiskeg nen say sikato, apasoot ton inakdulan.