Genesis 34:1 - Maung A Balita Biblia

¹ Aminsan ya agew, si Dina a biin anak nen Jacob tan Lea et linman dinmalaw ed pigaran bibiid Canaan.

Maung a Balita Biblia

¹ Aminsan ya agew, si Dina a biin anak nen Jacob tan Lea et linman dinmalaw ed pigaran bibiid Canaan.

Genesis 34:1 Referans Kwoze

Genesis 30:21

Ag abayag, nananak na sakey a bii, tan inngaran to na Dina.

Jeremias 2:36

Nileglemew moy sikan dili diad insingger mod saray diriyos na arum a bansa. Dismayaen ka na Egipto a singa impanismayad sika na Asiria.

1 Timoteo 5:13

Naaralan da ni ingey manngiras tan mandarak na panaon diad panliber dad saray kabkaabay. Say lalon maoges, magmaliw iran managtalabutob tan mibabalid bilay na arum a totoo, tan manlabir iray ag da nepeg a labiren.

Genesis 46:15

Sikara yay anak nen Jacob ed kinen Lea a nianak irad Mesopotamia. Kaiba ra met si Dina, say marikit ya anak nen Jacob. Talomplo tan talon amin iray kabyangay boleg nen Jacob ed kinen asawa ton Lea.

Genesis 30:13

inkuanen Lea, “Agaylay liket ko! Saray bibii tawagen da ak a maliket”; kanyan inngaran to na Aser.

Genesis 28:6

Naamtaan nen Esau a binindisionan nen Isaac si Jacob tan imbaki tod Mesopotamia a mananap na asawaen to. Naamtaan to met a nen binindisionan nen Isaac, ingganggan ton ag mangaasawa na biin Cananea.

Genesis 27:46

Inkuanen Rebeca ed kinen Isaac, “Agaylay irap ko tan onsasawa ak lad saray taga arum a bansa ya asawa nen Esau. No mangasawa met si Jacob na sakey ed saray Hetea a singa sikara, maung ni laingey inatey ak.”

Genesis 26:34

Nen mantaoy apataplo si Esau, inasawa to ray duaran marikit a Heteo, si Judit ya anak nen Beeri tan si Basemat ya anak nen Elon.

Tito 2:5

mambilay iran maadya, masimpit, maung a mangasikasoy abung, mapangasi tan maonur ed kaasawaan da, pian ag napabanday so salitay Dios.

Genesis 33:20

Nanggawad may sakey ya altar tan nginaranan to para El, say Dios na Israel.