Genesis 33:9 - Maung A Balita Biblia

⁹ Balet inkuanen Esau, “Malaem la ray kayaryan ko, agi; kien mo la ray kayaryan mo.”

Maung a Balita Biblia

⁹ Balet inkuanen Esau, Malaem la ray kayaryan ko, agi; kien mo la ray kayaryan mo.

Genesis 33:9 Referans Kwoze

Genesis 27:39

Inkuanen Isaac ed sikato, “Anggapoy linaew na tawen a para sika, Anggapoy mataban dalin a para sika.

Filemon 1:7

Pinablin agi, aliketan tan aligliwa ak a maung lapud panangarom, ta apabiskeg moy linawa na amin da ray totooy Dios.

Filemon 1:16

Aliwan sakey ya aripen labat natan, no ag ingen sakey lan inararo ya agid Cristo. No panoy panangarok ed sikato, lalon inararom, ta sikatoy aripen mo tan agim ed Katawan!

Saray Gawgawa 21:20

Nen nadngel da ya, indayew day Dios. Insan inkuandad kinen Pablo, “Amtam, agi, pigan libo la ray Judion manisiad kinen Jesus, tan maseseg so panusumpal dad Ganggan nen Moises.

Saray Gawgawa 9:17

Linma sirin si Ananias, linmoob ed abung, tan intapew to ray lima tod kinen Saulo. “Agin Saulo,” inkuanto, “imbaki ak dia na Katawan, say dilin Jesus a nampanengneng ed sikad dalan nen oonla ka dia. Imbaki to ak dia, pian makanengneng ka lamet tan napano kay Ispiritu Santo.”

Ecclesiastes 4:8

Walay sakey a toon mambibilay a bukbukor. Anggapoy anak to, odino say agi to, balet ag ontotondan mankimey; ag balut napepenek ed walan kayamanan to. Ag to anggan tetepeten ed sikaton dili no siopay kipaakaran na pansasagput to, tan ag to anggan manliliket. Sakey met yan andi-kakanaan, tan makapasinagem a panagbilay.

Probirbio 16:7

No makapaliket kad Katawan, napagmaliw mon kakaarom iray kalaban mo.

Genesis 27:41

Binosul nen Esau si Jacob lapud sikatoy angiteran na ama ra na samay bindision. Inkuanen Esau ed sikaton dili, “Asingger lay ipatey nen amak tan say panermen ed sikato; kasumpal to ya, pateyen koy Jacob.”

Genesis 4:9

Tinepet na Katawan ed kinen Cain, “Kawalaan nen Abel ya agim?” Inmebat, “Ag ko amta. Siak tay managasikasod agik?”

Probirbio 30:15

Say linta walay duaran anak ton bii, tan say ngaran dan dua, “Itdan mo ak!” Walay apatiran bengatla ya ag iran balut napepenek;

Genesis 27:40

Mambilay ka diad panamegley na ispadam, Balet manlingkur kad agim. Anggaman ontan, no onlaban kad sikato, Makaekal ka ed silong na pakayari to.”

Genesis 33:10

Inkuanen Jacob, “Andi komun. No talagan pirdonaen mo ak, awat moy panangarok. Say pakanengneng kod lupam et singa pakanengneng kod lupa na Dios, natan ta maung so impatnag mod siak.