Genesis 33:4 - Maung A Balita Biblia

⁴ Balet binatik nen Esau ya inabet, nilakap to, insan to inanguban. Manakis iran dua.

Maung a Balita Biblia

⁴ Balet binatik nen Esau ya inabet, nilakap to, insan to inanguban. Manakis iran dua.

Genesis 33:4 Referans Kwoze

Saray Salmo 34:4

Nampikasi ak ed Katawan et inebatan to ak, inekal ton amin iray takot ko.

Lucas 15:20

Inmalagey sirin, ta onla lan ompawil ed kinen ama to. “Arawi nid abung nen anengneng nen ama to. Atenyeg so puso nen ama to, kanyan inabet ton mambabtik, nilakap toy anak to, tan inanguban to.

Genesis 32:28

Inkuanto may too, “Aliwa lan Jacob so ngaran mo. Akibalsakan kad Dios tan saray totoo, et analo ka; kanyan Israel la so ngaran mo.”

Saray Gawgawa 20:37

Manakakis iran amin a linmalakap tan inmaangub ed kinen Pablo.

Probirbio 16:7

No makapaliket kad Katawan, napagmaliw mon kakaarom iray kalaban mo.

Genesis 46:29

linmogan si Jose ed karwahi to, insan linmad Gosen a mangabet ed kinen ama to. Kaasingger to, nilakap to, tan abayag a nanakis.

Genesis 45:2

Diad kasil na pansibsibek to, arengel na saray Egipsio, et imbalita ra ya ed ari.

Say Libro nen Job 2:12

Nen wala ni rad arawi anengneng da lay Job, balet ag da ni abirbir. Nen abirbir da la nanogaog ira. Pinipilat day kawes da diad pangipanengneng day ermen da, nansibwag irad tagey na dabuk tan diad olo ra.

Nehemias 1:11

Dengel mo natan so pikakasik tan saray pikakasi da ray arum ya ariripen mo a labay da kan pagalangan. Paaligwas mo ak pa natan, tan iyabuloy mon kasian ak na impirador.” Diad saraman ya agew siak so makaoley ed alak na impirador.

Genesis 43:30

Insan biglan tinmaynan si Jose, ta napnoy puso to na panangarod kinen agi to. Ngalngali la makaakis, kanyan linmad kuarto to tan diman nanakis.

Probirbio 21:1

Mainomay ya iwanwan na Katawan so kanunotan na ari, a singa kinainomay na panangiwanwan tod agos na kolus.

Genesis 43:34

Nanlapud lamisaan nen Jose so niparongod sikara; si Benjamin maminliman karakel so niiter ed sikato nen saramay arum. Angan tan inminom ira a kaiba ray Jose, tan ontan lay likeliket da.

Genesis 29:11

Insan to inanguban si Raquel, tan manakis ed liket to.

Genesis 29:13

Nen nadngel nen Laban so balitan nipaakar ed kinen kaanakan ton Jacob, binatik ton inabet, nilakap to tan inanguban to, insan to intagar ed abung to. Nen imbaga nen Jacob so amin ya agawa,

Genesis 32:11

Kerewen kod sika ya iyagel mo ak ed kinen Esau. Antakot ak ta ompan onla dian ondogpad sikami et pateyen to kamin amin, pati saray bibii tan saray ogogaw.

2 Samuel 14:33

Kanyan linmay Joab ed kinen ari tan imbaga toy sinalita nen Absalom. Impatawag na ari si Absalom; dinmagoy Absalom tan dinmakmomo ya anggad dalin diad arap na ari. Inawat na ari si Absalom tan inanguban to.

1 Samuel 20:41

Kasiput to may ogaw, pinmaway ed abonbonton iran bato si David, tinmalimukor tan amitlon dinmakmomo ya anggad dalin. Manakis iran dua nen Jonatan legan dan nanlakapan; maermen niy David nen si Jonatan.