Genesis 32:5 - Maung A Balita Biblia

⁵ Wala ray bakak, asno, kanding, karniro, tan aripen ko. Imbakik ed sika ra yan totoo, ta labay koy mipulangan ed sika.”

Maung a Balita Biblia

⁵ Wala ray bakak, asno, kanding, karniro, tan aripen ko. Imbakik ed sika ra yan totoo, ta labay koy mipulangan ed sika.

Genesis 32:5 Referans Kwoze

Genesis 33:8

Tinepet nen Esau, “Antoy kabaliksan da ra may onaan a nabet ko?” Inmebat si Jacob, “Rigalok ira man ed sika, ta labay koy mipulangan ed sika.”

Genesis 33:15

Inkuanen Esau, “No ontan sirin, mangitilak ak ed sika na pigaran totook.” Balet inkuanen Jacob, “Andi-bali la tan; masarag lay impamirdonam ed siak.”

Say Libro nen Job 6:22

Kinerew ko ta ya itdan yo ak na rigalo, odino ipasoksokan yo ak ed sakey a too,

2 Samuel 16:4

Inkuan na ari ed kinen Siba, “Kien mo lay amin a kayaryan nen Mefiboset.” “Siak so aripen mo,” ebat nen Siba. “Maabig lawas komun so linawam ed siak, Kagalang kon Ari!”

1 Samuel 1:18

“Maabig lawas komun so linawa yod siak,” ebat nen Ana. Tinmaynan la, angan, tan nakal lay ermen to.

Ruth 2:2

Aminsan ya agew inkuanen Ruth a Moabita ed kinen Noemi, “Abuloyan yo ak pan mantortor ed kaalogan. Angangko walay manaanin mangasid siak ya ontombuk ak ed sikato.” Inmebat si Noemi, “On, anak ko, laka.”

Genesis 47:25

Inmebat ira, “Sinambot moy bilay mi tan maung kad sikami; paaripen kami lad ari.”

Genesis 33:11

Awat mo kariy panangarok ya awit kon para sika, kinasian ak na Dios, ta inter ton amin iray nakaukolan ko.” Ag to tinondaan ya anggad inawat nen Esau ira may rigalo.

Genesis 31:16

Amin iray kayamanan ya inalay Dios ed kinen ama mi et kayaryan mi tan kayaryan na saray anak mi. Sumpal moy imbaga na Dios ed sika.”

Genesis 30:43

Lapud saya nagmaliw a mayamyaman si Jacob. Amayamay iray karniro, kanding, kamilyo tan asno to, tan aripen to.

Lucas 12:45

Balet no ikuanto yan aripen ed sikaton dili, ‘Mabayag nin onsabiy amok.’ Gapoan tod satan a kabilen iray arum ya aripen, laki man o bii, tan mangan, oninom, tan mambuwek.

Genesis 31:3

Insan inkuan na Katawan ed sikato, “Pawil ka lad dalin na saray atateng mo tan saray kakanayon mo. Olupen ta ka.”