Genesis 32:30 - Maung A Balita Biblia

³⁰ Inkuanen Jacob, “Anengneng koy Dios ed lupa-lupaan, et mabilay ak ni”; kanyan inngaran toy Peniel iman a pasen.

Maung a Balita Biblia

³⁰ Inkuanen Jacob, Anengneng koy Dios ed lupa-lupaan, et mabilay ak ni; kanyan inngaran toy Peniel iman a pasen.

Genesis 32:30 Referans Kwoze

Saray Bilang 12:8

Kanyan misasalita ak ed sikato a lupa-lupaan; malinew so pisasalitak ed sikato aliwan diad masoliwet a panagsalita; anengneng to ni ingen so alagey ko! Akin et nitepel yo so nansalita na sumpad aripen kon Moises?”

Genesis 16:13

Tinepet nen Agar ed sikaton dili, “Anengneng ko tan talaga so Dios, et mabilay ak ni?” Inngaran to sirin so Katawan ya akisalitad sikato na, “Dios a Mannenengneng.”

Isaias 6:5

Inkuanko, “Pakaskasi ak la! Anggapo lay ilalok! Maoges ya amin so sasalitaen na dilak, tan manaayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.”

Deuteronomio 5:24

tan kuanda, ‘Say Katawan a Dios tayo et impanengneng tod sikatayo so pakapanyari tan kagalangan to nen nadngel min nansalita a nanlapud apoy! Anengneng mi la natan a siansian mambilay so sakey a too, anggaman ya akisalitad sikato so Dios.

Juan 1:18

Anggapo nin balut so akanengneng ed Dios, balet sikatoy impaamta na bogbogtung ya Anak a Dios ya inararon maung na Ama.

Saray Hebreo 11:27

Lapud pananisia, tinaynan nen Moises so Egipto tan ag to tinakotan so pasnuk na ari; mabisbiskeg so linawa to, tan singa anengneng toy ag nanengneng a Dios.

2 Timoteo 1:10

Balet nipaamta ya nen sinmabiy Cristo Jesus a Manangilaban tayo. Inekal toy pakayariy patey, tan impaamta toy bilay ya andi-anggaan diad panamegley na Maung a Balita.

TAGA-EFESO 1:17

tan kekerewen kod mapagalang tan makapanyarin Ama a Dios na Katawan tin Jesu-Cristo, ya itdan to kayo komuy Ispiritu. Sikatoy mangiter ed sikayoy kakabatan, tan ipaamta tod sikayoy Dios, pian nakabatan yo.

Exodo 33:14

Say Katawan kuanto, “Mila ak ed sikayo, tan panaloen ta kayo.”

COLOSAS 1:15

Si Cristo et indengan na Dios ya ag nanengneng. Sikatoy pangulowan ya Anak, manona nen say amin a pinalsa.

TAGA GALACIA 1:6

Mankelaw ak no akin et agaylay siglat yon mangibebeneg ed Dios ya anawag ed sikayo diad panamegley na baleg a panangaro nen Cristo, tan ontotombuk ki lad sananey a maung a balita.

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

2 CORINTO 3:18

Natan ta nakal lay sakbung ed lupa tayo, sikatayo lan amiy mangipatnag na marlang a kagalangay Katawan. Saman met lamlamang a marlang a kagalangan a manlapud Katawan a sikatoy Ispiritu so mangoman na nengneng tayo pian magmaliw a lalon marmarlang, anggad makapipara tayod sikato.

1 Saray Arari 12:25

Si Ari Jeroboam na Israel niliber toy padir so baley na Sikem diad nipokdul a luyag na Efraim tan nanayam diman ya agano. Tinmaynan diman tan niliber toy padir so baley na Penuel ya inalisan to.

Saray Huis 8:17

Inggeba to met so tori ed Penuel tan pinapatey to ray lalaki ed saman a siudad.

Saray Huis 8:8

Tinmuloy ed Penuel si Gedeon tan akikerew met diman na tinapay ed saray totoo, balet say ebat ed sikara na saray totood man et singa samay ebat na saray totood Sukot.

Deuteronomio 34:10

Anggapon balut so linmetaw a propitan singa si Moises diad dalin na Israel; say Katawan akisalitad sikato a lupa-lupaan.

Genesis 28:19

Betel so impangingaran tod saman a pasen. (Nen saman, Luz so ngaran to man a baley.)

1 CORINTO 13:12

Say nanenengneng tayo natan et singa burarog a lupa ed salming; balet onsabiy agew a nanengneng tayo ed lupa-lupaan. Daiset niy amtak natan, balet onsabiy agew a magmaliw ya ayadyari so pakaamtak, a singa ayadyarin pakapikabat na Dios ed siak.

Josue 5:13

Nen asingger lad Jerico si Josue, biglan anengneng toy sakey a lakin manalalagey ed arap to a sankabembenan toy sakey ya ispada. Dinago nen Josue tan tinepet to, “Sakey ka ed saray sondalo mi, odino sakey kan kalaban?”

Genesis 35:9

Nen pinmawil si Jacob a nanlapud Mesopotamia, pinmayawar lamet ed sikato so Dios tan binindisionan to.

Saray Huis 13:17

Inmebat si Manoa, “Ibagam ed sikami so ngaran mo, pian nagalang mi ka no ontua ra may salitam.”

Saray Huis 13:18

Inkuan na samay anghil, “Akin et labay mon kabaten so ngaran ko? Say ngaran ko et sakey a makapakelaw a ngaran.”

Isaias 9:5

Oputen na apoy iray buta na ondodogpan sondalo tan amin a kawes dan ataltalagsikan na dala.