Genesis 32:20 - Maung A Balita Biblia

²⁰ ‘On, say aripen yon Jacob et wadtad bandad onur.’” Inisip nen Jacob a diad pangiter to na rigalo napakepa toy pasnuk nen Esau, tan no naabet to, pirdonaen da.

Maung a Balita Biblia

²⁰ On, say aripen yon Jacob et wadtad bandad onur. Inisip nen Jacob a diad pangiter to na rigalo napakepa toy pasnuk nen Esau, tan no naabet to, pirdonaen da.

Genesis 32:20 Referans Kwoze

Probirbio 21:14

No walay mamapasnuk ed sika, say rigalon niiter a maamut pakepaen toy pasnuk to.

2 Timoteo 2:25

maoyamon mametek ed saray onsumlang ed sikato, ta ag la pigan saraya et itdan iray Dios na pankanawnawan mampataulid kasalanan da tan naamtaan day katwaan.

Jonas 3:9

Angangko mangoman na kanunotan so Dios; pakepaen to angangkoy pasnuk to, et ag itayo ompatey!”

Probirbio 16:14

Say toon makabat gawaen toy anggaay nayarian ton paliketen lawas so ari; no mampasnuk so ari, nayarin walay toon ompatey.

Probirbio 15:18

Say toon mapetang na olo igagapo toy sangsangan, balet say toon maanos mangiiter na kareenan.

Probirbio 6:35

Ag to mangawat na antokaman a bayar; anggapoy rigalon makapabetel na pasnuk to.

1 Saray Arari 20:31

Linma ray opisyal to tan kuandad sikato, “Nadngelan min mapangasi ray arari na Israel. Abuloyan mo kamin mamberber na sakod balangbang mi tan mangibaliber na lobir ed beklew mi, insan kami onlad ari, ta ag la pigan ag to ka pateyen.”

1 Samuel 6:5

Nakaukolan a manggawa kayo na sarayan balituk a pelsa tan balituk ya otut a mandederal ed bansa yo, tan pagalangan yoy Dios na Israel. Itonda to angangko so panudusa tod sikayo, saray diriyos yo, tan say dalin yo.

Genesis 43:11

Inkuanen ama ra, “No ontan so nepeg a nagawa, onyay gawa yo sirin: Mangawit kayoy sankamaungan iran bungay dalin, ikarga yod saray balkut yo, tan irigalo yo rad satay gobirnador: pigaran pasas, daiset a dilo, saray rikado, alponsigo, tan almindra.

Genesis 32:19

Onya met so imbilin tod kumadwan aripen, say kumatlo, tan amin da ni ray arum a managasikasoy ayayep: “Onyay ibaga yod kinen Esau no naabet yo:

Genesis 32:21

Impaiyona to la ra may rigalo to, tan naogip nid kampo to diad saman a labi.

Probirbio 18:16

No labay mon napiarapan so toon atagey so kipapasen, iyawitan mo na rigalo.