Genesis 31:40 - Maung A Balita Biblia

⁴⁰ Naynay ak a nanirap, lapud petang na agew tan betel na labi. Ag ak makaogip.

Maung a Balita Biblia

⁴⁰ Naynay ak a nanirap, lapud petang na agew tan betel na labi. Ag ak makaogip.

Genesis 31:40 Referans Kwoze

Saray Hebreo 13:7

Nunot yo ray inmoonan pangulo yo a nampulong ed sikayoy salita na Dios. Nunot yo no antoy nansumpalay bilay da, tan alig yoy pananisia ra.

Lucas 2:8

Walad saman a pasen iray pumapastol a mampupuyat, ta babantayan dad alog iray karniro ra.

Oseas 12:12

Si laki tayon Jacob et apasoot ya ombatik ed Mesopotamia, a diman angatulangan diad impankokomponi to na saray karniro, pian makalay asawaen to.

Exodo 3:1

Aminsan ya agew, nen si Moises et mampapastol na saray ayep na katolangan ton Jetro a pari na Madian, imbeltang tod kalawakan iray ayep tan akasabid Sinai, say masanton palandey.

Genesis 31:39

No walay karniron pinatey na ayep ed takel, inakok so inkaandi to; ag ko la inyakar ed sikayo, pian ag yo la naamtaan a siak so akankasalanan. Pinasoot yo ak a mambayar ed amin ya atakew ed agew man o labi.

Genesis 31:41

Onyay agawgawa diad loob na duamploy taon kod sikayo. Labinapat a taon so impankimey ko pian naalak iray bibiin anak yo, tan anem taon pian naalak iray ayayep yo. Anggaman ontan, amimpulon inooman yoy upak.

Deuteronomio 8:15

Inwanwan to kayon binmeltang ed samay maawang tan makapataktakot a kalawakan a kawalaan na saray nanditan oleg tan alakdan. Diad saman ya amaga tan anggapoy danum a dalin pinapaway tod baton dampay so danum a para sikayo.

Aggeo 1:11

Anggapoy pateterteren kon oran ed dalin—diad kapokdulan, diad kaalogan, diad kaubasan, tan diad kaolibaan—diad amin a tanaman ed dalin, diad saray totoo tan saray ayayep, tan diad amin a bengatlan labay yon pabalegen.”

Probirbio 31:18

Amta toy kablian na amin da ray gagawaen to, tan mankikimey ni anggan aralem lay labi.