Genesis 31:30 - Maung A Balita Biblia

³⁰ Kabat kon tinmaynan ka, lapud labay mo lay makasempet ed abung mo, balet akin et tinakew mo ray diriyos ko?”

Maung a Balita Biblia

³⁰ Kabat kon tinmaynan ka, lapud labay mo lay makasempet ed abung mo, balet akin et tinakew mo ray diriyos ko?

Genesis 31:30 Referans Kwoze

Saray Huis 18:24

Inmebat si Micaya, “Imbatik yoy parik tan saray diriyos a ginagawak; anto niy akeraan ed siak? Insan natan tepeten yo no antoy agawa?”

Genesis 31:19

Linmay Laban a mangatlid saray karniro to; et nen andid man ed abung, tinakew nen Raquel iray talintaoy diriyos na pamilya tan kayaryan nen ama to.

Jeremias 10:11

Sikayo ran totoo nepeg yon ibagad sikara a saray diriyos ya ag da ginawa so tawen tan dalin, et naderal ira. Naandi ra ed anggan iner a pasen diad tapew na dalin.)

Jeremias 43:12

Poolan ko ray timplo na saray diriyos na Egipto tan say ari na Babilonia et poolan to ray diriyos da odino isempet to ra. Linisan na ari na Babilonia so Egipto, a singa panlinis na sakey a pastol ed kawes to diad pangekal tod saray lies na karniro, insan onsempet lan sipapalabo.

Isaias 37:19

tan pinopoolan da ray diriyos da—ta aliwa ran tuan diriyos; talintaon kiew odino bato ra labat a ginagawa na limay too.

2 Samuel 5:21

Tinaynan diman na saray Filisteo iray talintaoy diriyos da, et inaala ra nen David tan saray totoo to.

Saray Huis 6:31

Balet inkuanen Joas ed amin da may totoon dinmagod sikato, “Itatalindeg yoy Baal? Iyaagel yo? Napatey so siopaman a mangitalindeg ed sikato kasakbayan ya onsabiy kabwasan. No tuan dios si Baal, paolyan yon iyagel toy sikaton dili. Say altar to so ageba.”

Saray Bilang 33:4

a mangipopompon na saray pangulowan a lalakin anak da a pinapatey na Katawan. Diad impanggawa na Katawan ed saya, impanengneng ton sikatoy makapanyari nen saray diriyos ed Egipto.

Exodo 12:12

“Diad satan a labi onliber ak ed intiron dalin na Egipto, pateyen koy balang pangulowan ya anak a laki tan amin a besag ya anak na ayep tan dusaen kon amin iray diriyos na Egipto. Siak so Katawan.

Genesis 31:31

Inmebat si Jacob, “Antakot ak, ta inisip kon alaen yod siak iray anak yon bibii.

Genesis 35:2

Kanyan inkuanen Jacob ed pamilya to tan amin a kaiba to, “Ibantak yo ray diriyos na arum a bansa ya awit yo; linisan yoy sikayon dili, insan kayo mampales na malinis.

Josue 24:2

Inkuanen Josue ed amin da ray totoo, “Sikatoya so ibabaga na Katawan a Dios na Israel; ‘Nen saman a panaon nanayam ed biek na Ilog na Eufrates iray lalaki yo tan angigalang irad arum a diriyos. Sakey ed saraman a lalaki yo et si Tera ya ama di Abraham tan Nacor.

Saray Huis 18:17

Tinmuloy ed abung ira may limaran nibaki a mannengneng ed dalin tan inala ra may kiew a talintaon naokupan na pilak, saramay arum a talintao, tan samay ipod, legan a kaiba na samay pari ed puirta ira may anem a lasus a sondalon akaarmas.

Ezekiel 21:21

Manaalagey so ari na Babilonia diad abay na samay tanda ed nansangaan na dalan. Diad pangamta to no dinay dalanen to, ibuyandak to ray pana to, ipapanon tod saray talintaoy diriyos to; sosokayan toy altey na nibagat ya ayep.

Saray Bilang 10:30

Inmebat si Hobab, “Ag ak la mila; ompawil ak lad dalin kon nianakan.”