Genesis 31:13 - Maung A Balita Biblia

¹³ Siak imay Dios a pinmayawar ed sika diad Betel, a dimay angipaalageyan moy bato a pakanudnunotan tan insaklang mon masanto ed siak—tan diman met so nanggawaan moy sakey a sinambaan a sipan ed siak. Natan mamparaan ka, taynan kad sayan dalin tan pawil kad dalin a nianakan mo.’”

Maung a Balita Biblia

¹³ Siak imay Dios a pinmayawar ed sika diad Betel, a dimay angipaalageyan moy bato a pakanudnunotan tan insaklang mon masanto ed siaktan diman met so nanggawaan moy sakey a sinambaan a sipan ed siak. Natan mamparaan ka, taynan kad sayan dalin tan pawil kad dalin a nianakan mo.

Genesis 31:13 Referans Kwoze

Genesis 31:3

Insan inkuan na Katawan ed sikato, “Pawil ka lad dalin na saray atateng mo tan saray kakanayon mo. Olupen ta ka.”

Genesis 32:9

Insan nampikasiy Jacob, “Dios nen lakik ya Abraham tan Dios nen amak ya Isaac, dengel mo ak pa! Imbagam ed siak, Katawan, ya ompawil ak ed dalin ko tan saray kakanayon ko, tan ag mo ak paolyan pian maung so pansumpalan ko.

Genesis 35:7

Nanggawad man na altar tan inngaran to man a pasen na Betel, ta dimay pinayawaran na Dios ed sikato nen ibabatikan toy agi to.

Genesis 31:11

Inkuan ed siak na anghil na Dios diad kogip, ‘Jacob!’ ‘On, wadya ak,’ ebat ko.

Genesis 31:14

Inmebat ira di Raquel tan Lea, “Anggapo lay nakdaan a tawiren mid ama mi.

Genesis 35:1

Inkuan na Dios ed kinen Jacob, “Lakan tampol ed Betel tan manayam kad man. Manggawa kad may altar a para siak a Dios a pinmayawar ed sika nen ibabatikan moy agim ya Esau.”