Genesis 31:12 - Maung A Balita Biblia

¹² Intuloy ton inkuan, ‘Nengneng mo, amin a kanding a kalakyan a mankakasta et gulisan, batekan, tan baklayan ira. Gagawaen ko ya, ta nanenengneng koy gagawaen nen Laban ed sika.

Maung a Balita Biblia

¹² Intuloy ton inkuan, Nengneng mo, amin a kanding a kalakyan a mankakasta et gulisan, batekan, tan baklayan ira. Gagawaen ko ya, ta nanenengneng koy gagawaen nen Laban ed sika.

Genesis 31:12 Referans Kwoze

Exodo 3:7

Insan say Katawan inkuanto, “Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Deuteronomio 24:15

Kapag nasabiy ngarem kasakbayan ya onselek so agew bayaran yoy sanagew ya impankimey to; nakaukolan toy kuarta tan iilaloan ton awaten. No ag yo bayaran, ontawag ed Katawan na sumpad sikayo, et sikayoy mankasalanan.

Genesis 31:42

No ag ak labat tutulongan na Dios da ray atateng ko, say Dios ya inggalang di Abraham tan Isaac, pinataynan yo ak la komun a kalima-lima. Balet anengneng na Dios so gunigon ko tan say kimey ko; kalabyan inter to lay sintinsia to.”

TAGA-EFESO 6:9

Sikayo ran amo, nepeg a maung kayod saray aripen yo, tan ag yo la ra tataktakoten. Ta amta yo a nampapara kayon kayaryan na saksakey a Katawan a walad tawen a namparay pangipapasen tod amin a katoowan.

Saray Gawgawa 7:34

Anengneng koy paniirap da ray totook ed Egipto. Nadngel koy pannangis da, kanyan linmeksab ak a mangilaban ed sikara. Gala, ta ibaki ta kad Egipto!’

Ecclesiastes 5:8

Ag mo pankelawan no nanengneng mon papairapen na gobirno iray mairap-bilay tan ag to iter ed sikara so katonungan da tan say kanepegan da. Ta balang opisyal iyaagel na opisyal ya atagey nen say sikato, tan iyaagel iran dua na saray opisyal ya atagtagey nen say sikaran dua. Say ari so sankatageyan ed amin ya opisyal tan napanoleyan toy amin a dalin a sakop to.

Saray Salmo 139:3

Nanenengneng mo ak, anggan mankikimey odino mampapainawa ak; amtam ya amin so kiwas ko.

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Levitico 19:13

“Ag yo aanamutey pankanawnawa yod arum a too odino tatakewan yo. Ag yo aabalaen na anggan sanlabi so upa na siopaman ya impankimey yo.

Exodo 3:9

Nadngel koy tagleey na saray totook tan anengneng kon peteg so pamapairap na saray Egipsio ed sikara.

Genesis 31:10

“Nen panaon na panagkasta, walay kogip ko. Anengneng kon saray kalakyan a kanding a mankakasta et gulisan, batekan, tan baklayan so kolor da.

Saray Salmo 10:14

Balet nanaimatunan mo; nanaimanom so kairapan tan say kaermenan, et sipaparaan ka lawas ya ontulong. Say pakaskasin too imamatalek toy sikaton dili ed sika; tulongan mo lawas iray mankakaukolan.