Genesis 30:27 - Maung A Balita Biblia

²⁷ Inkuanen Laban ed sikato. “Niay nibagak; inaral koy panagparles, et naamtaan kon binindisionan ak na Katawan lapud sika.

Maung a Balita Biblia

²⁷ Inkuanen Laban ed sikato. Niay nibagak; inaral koy panagparles, et naamtaan kon binindisionan ak na Katawan lapud sika.

Genesis 30:27 Referans Kwoze

Saray Gawgawa 7:10

tan tinulongan tod saray irap a pinapalabas to. Binindisionay Dios tan initdan toy kakabatan tan makaroyroyon ogali nen inmarap ed ari na Egipto. Say Ari impagmaliw ton gobirnador si Jose diad intiron Egipto tan diad abung to.

Isaias 61:9

Ombantug irad saray bansa; Nakabatan na balang sakey a makanengneng ed sikara A sikaray totoon binindisionan ko.”

Ruth 2:13

Inkuanen Ruth, “Agaylay abig na linawam ed siak. Pinabiskeg moy linawak lapud maolimek a panagsalitam ed siak, anggaman ya aliwa ak a singa sakey ed saray aripen mo.”

Genesis 26:24

Diad saman a labi na intaynan to pinmayawar ed sikato so Katawan tan inkuanto, “Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.”

Exodo 3:21

“Paabigen koy linawa na saray Egipsio ed sikayo, pian ag kayo ontaynan a kalima-lima.

Genesis 12:3

Bindisionan ko ray mamindision ed sika, Balet isambak iray mangisambad sika. Diad panamegley mo bindisionan kon amin iray bansa ed mundo.”

Genesis 47:25

Inmebat ira, “Sinambot moy bilay mi tan maung kad sikami; paaripen kami lad ari.”

Genesis 33:15

Inkuanen Esau, “No ontan sirin, mangitilak ak ed sika na pigaran totook.” Balet inkuanen Jacob, “Andi-bali la tan; masarag lay impamirdonam ed siak.”

Genesis 30:30

Say daiset a walad sikayo kasakbayay insabik et dinmakerakel, tan binindisionan kayoy Katawan lapud siak. Natan sinmabi lay panaon a nunoten ko lay pankaabigan na pamilyak.”

Genesis 18:3

Inkuanto, “Wadya ak a magter a manlingkur ed sikayo. Ag yo komun lalabasay abung ko; tonda ki nin magano.

Daniel 1:9

et say Dios impagmaliw ton mapangasi tan manunot si Aspenaz ed kinen Daniel.

1 Saray Arari 11:19

Nala nen Hadad so maung a linawa na ari na Egipto, et impaasawa na ari ed kinen Hadad so ayro ton agi nen Riyna Tapenes.

Saray Bilang 11:15

No onya niy gawaen mod siak, panangasim ta patey mo ak la, pian ag ak la mantepel na inkaruksam ed siak.”

Genesis 34:11

Insan inkuanen Sikem ed kinen ama nen Dina tan saray agagi ton lalaki, “Iter yo yan kekerewen ko, et iter koy antokaman a labay yo.

Isaias 65:8

Say Katawan kuanto, “Anggapoy too a deralen to ray maung a bungay ubas; ingen gawaen to ra ya alak. Ag ko met deralen ya amin iray totook—ilaban ko ray manlilingkur ed siak.

Isaias 6:13

Anggaman a natilak ed dalin so kakaplod saray totoo, naderal met iray natilak; singa ra sengeg na kiew a robli a binatang.” (Say sengeg iyaaliling toy balon gapowan na saray totoo na Dios.)

Saray Salmo 1:3

Aliling toy kiew a nitanem ed abay na managos a danum; mambubunga no panaon to tan ag namamagaan iray bolung to. Onaaligwas iray amin a gagawaen to.

Nehemias 2:5

insan ko inkuan ed impirador, “No makaliliket ed siak so Kagalang kon Impirador tan mabolus a mangiter na kerewen ko, abuloyan mo ak pan onla ed dalin na Juda, diad siudad ya angipomponan ed saray lalakik, pian nipaalagey ko lamet so siudad.”

Nehemias 1:11

Dengel mo natan so pikakasik tan saray pikakasi da ray arum ya ariripen mo a labay da kan pagalangan. Paaligwas mo ak pa natan, tan iyabuloy mon kasian ak na impirador.” Diad saraman ya agew siak so makaoley ed alak na impirador.

1 Samuel 16:22

Insan si Saul impaikuan tod kinen Jesse, “Labay koy David. Iyabuloy mon manayam la dian manlingkur.”

Saray Bilang 11:11

Inkuantod Katawan, “Akin et aliwliway gagawaen mod siak? Akin et naermenan ka ed siak? Akin et impasakbat mod siak so pangasikaso ed sarayan amin a totoo?

Genesis 44:5

Akin et tinakew yoy pilak a kupa to? Sikato man a kupa so paniinoman to tan pampaparlesan to. Balbaleg a kaogsan so ginawa yo!’”

2 Samuel 6:11

Say Kaban na Sipanan nanayam diman a taloy bulan, binindisionan na Katawan si Obed-edom tan say pamilya to.