Genesis 30:2 - Maung A Balita Biblia

² Akapasnuk si Jacob ed kinen Raquel tan inkuanto, “Dios ak sirin? Say Dios, aliwan siak, so makasengeg na ag mo pananak.”

Maung a Balita Biblia

² Akapasnuk si Jacob ed kinen Raquel tan inkuanto, Dios ak sirin? Say Dios, aliwan siak, so makasengeg na ag mo pananak.

Genesis 30:2 Referans Kwoze

Genesis 16:2

kanyan inkuantod kinen Abram, “Ag inyabuloy na Katawan a nawalaan ak na anak. Anta no akdulan mo may biin aripen ko? Nayarin makaanak na para siak.” Inmabuloy si Abram ed imbaga nen Sarai;

Saray Salmo 127:3

Rigalo na Katawan iray anak; petepeteg iran tumang.

2 Saray Arari 5:7

Kapambasa na ari na Israel ed samay sulat, pinilat toy kawes to a pangipanengneng toy inkagunigon to tan inkuanto, “Panoy panilalo na ari ed Siria a napaabig ko yan too? Dios ak sirin a walay pakayarid bilay tan patey? Mapatnag a labay toy mikolkol ed siak!”

1 Samuel 1:5

Anggaman ya inararo ton maung si Ana sakey labat a betang so iter tod sikato, lapud say Katawan et ag to abuloyan a mananak.

Genesis 50:19

Balet inkuanen Jose ed sikara, “Ag kayo natatakot; ag ko nayarian ya alaey pasen na Dios.

TAGA-EFESO 4:26

No mampasnuk kayo, paliisan yoy pakapankasalanan yo, tan ag kayo mamapasnuk a sanagew.

Marcos 3:5

Legan a nenengnengen nen Jesus iray totood kaliber-liber to, akapasnuk; balet nantaruk na ermen so pasnuk to, lapud kinaawet na puso ra. Inkuantod samay laki, “Iyonat moy limam.” Inyonat ton tuay lima to, tan inmabig ed saman a bekta.

Mateo 5:22

Balet ibagak ed sikayo natan: siopamay mampasnuk ed agi to, nayarin walay ebatan tod huis. Siopamay mamabaing ed agi to, nayarin walay ebatan tod Sanidrin. Siopamay mangikuan ed agi to, ‘Ambagel ka!’ nayarin onlad apoy na impirno.

Saray Salmo 113:9

Papagalangan tod abung, na asawan anggapoy anak; paliliketen to diad pangiter to ray anak ed sikato. Idayew yoy Katawan!

Exodo 32:19

Nen asingger lay Moises ed kampo tan nabantag to la may bakan kalakyan tan saray totoon mansasayaw-sayaw, mapalaloy impakapasnuk to. Dimad alusadsar na palandey imbantak to ra may awit ton tapyak a bato, et apisagpisag ira.

Genesis 31:36

Naingungotan si Jacob. Inkuanto, “Antoy kasalanan a ginawak? Antoy ganggan a sinumlang ko, et naitdan kayoy kanepegan a mangosil ed siak?

Genesis 29:31

Nen anengneng na Katawan ya ag inaro nen Jacob si Lea, inabuloyan ton makapananak; si Raquel, balet, ag mananak ta lepes.

Genesis 25:21

Ag mananak si Rebeca, ta lepes, kanyan impikasi nen Isaac. Inebatan na Katawan so pikakasi to, et nanlokun si Rebeca.

Lucas 1:42

tan inkuantod maksil a bosis, “Sikay sankaliketan ed amin da ray bibii! Maliket met so ogaw ya iyanak mo!