Genesis 30:1 - Maung A Balita Biblia

¹ Balet anggapoy anak nen Raquel, kanyan angimon ed kinen atsi to. Inkuantod kinen Jacob, “Itdan mo ak na anak ko; ta no andi, ompatey ak.”

Maung a Balita Biblia

¹ Balet anggapoy anak nen Raquel, kanyan angimon ed kinen atsi to. Inkuantod kinen Jacob, Itdan mo ak na anak ko; ta no andi, ompatey ak.

Genesis 30:1 Referans Kwoze

Say Libro nen Job 5:2

Inaambagel tan andi-kakanaan so alablabas a panggunigon tan pansakit na linawa.

Genesis 29:31

Nen anengneng na Katawan ya ag inaro nen Jacob si Lea, inabuloyan ton makapananak; si Raquel, balet, ag mananak ta lepes.

Genesis 37:11

Mangimon iray agagi nen Jose ed sikato, balet ninudnunot ira ya nen ama to.

2 CORINTO 7:10

Ta say ermen a manlalapud Dios omanen toy puso tan mansumpal ed kilalaban, et ag itan nepeg a panermenan! Balet say ermen a manlalapud sankamundoan mansumpal ed patey.

Santiago 4:5

Ompan abaloan yon andi-kakanaay ibabagay Masanton Sulat: “Say Ispiritu ya inter na Dios ed sikatayo et napno na saray masebeg a pilalek.”

Santiago 3:14

Balet no manarid puso yoy ampait ya imon tan pantatalonaan, ag yo nepeg itan ya ipasirayew, tan ag kayo mantitila sumpad katwaan.

1 CORINTO 3:3

ta minumundo niy panagbilay yo. Maniimonan tan mankokolkol kayo ni. Ag ta ra ya mangipatnag a minumundo kayo ni, tan say panagbilay yo et onung na panagbilay na karaklan?

Probirbio 14:30

Say mareen a kanunotan pagmamaliwen ton mabiskeg so laman, balet singa kanser so imon.

Tito 3:3

Ta nen saman makulang-kulang itayo met, benger, tan apalingo. Naaripen itayoy maoges a pilalek na laman tan minumundo ran likeliket. Nambilay itayon maoges so kanunotan, maimon itayo; binobosul da itayo tan binobosul tayo ra.

TAGA GALACIA 5:21

panagibeg, panagbuanges, alablabas a panagliket, tan arum ni ran singa saraya. Papasakbayan ta ki lamet a singa samay inmona: saray manggawad saraya, ag da natawir so Panariay Dios.

Juan 4:8

(Saray disipulo nen Jesus linma ran agano ed baley a manaliw na pangogtoan da.)

Juan 4:3

Nen akabatan ya nen Jesus, tinmaynan ed Judea tan pinmawil ed Galilea.

Ecclesiastes 4:4

Naaralan ko a saray totoo mapalaloy inkakoli ran mankimey, lapud makakaibeg irad kayaryan na kaabay da. Balet andi-kakanaan met ya. Singa ka met labat onoosil ed dagem.

Saray Salmo 106:16

Diad kalawakan angimon irad kinen Moises tan diad kinen Aaron, say masanton aripen na Katawan.

Say Libro nen Job 13:19

O Dios, ondago kan mangakusa ed siak? No ondago ka, sipaparaan ak ya ag onesel tan ompatey.

Say Libro nen Job 3:11

Inatey ak la komun ed dalem na eges nen inak odino diad samay bektan nianak ak.

1 Saray Arari 19:4

tan nanakar a sanagew ed kalawakan. Tinmonda tan inmirung ed silong na sakey a kiew tan labay to la komun so ompatey. Nampikasi, “Alablabas la ya, Katawan. Babawim lay bilay ko, ta singa ak met la lamlamang inatey!”

Saray Bilang 11:29

Inmebat si Moides, “Nununoten mo so pankaabigan ko? Oy la komun a say Katawan et iter tod amin a totoo to so ispiritu to tan paeyagan to ran amin a singa saray propita!”

Saray Bilang 11:15

No onya niy gawaen mod siak, panangasim ta patey mo ak la, pian ag ak la mantepel na inkaruksam ed siak.”

Probirbio 30:16

say pasen a panaayaman da ray inaatey, say biin anggapoy anak to, say kinmelang a dalin a mankaukolan na oran, tan say pool ya ag la nasebseban.