Genesis 3:18 - Maung A Balita Biblia

¹⁸ Patuboen to ray dika-rika tan sabisabit, tan mangan ka ray tantanaman a balang.

Maung a Balita Biblia

¹⁸ Patuboen to ray dika-rika tan sabisabit, tan mangan ka ray tantanaman a balang.

Genesis 3:18 Referans Kwoze

Mateo 13:7

Saray arum ya ilik dinmapo rad dalin a tutuboay dikarikan masabit. Nen baleg la ra may dikarikan masabit, pinatey da ra may tinmubon ilik.

Isaias 7:23

“No onsabi tan a panaon, saray mararakep a kaubasan a walay sanlibon sengeg na ubas to, tan mambiliy sanlibon pilak so kapag kaubasan, et natuboan na amayamay a masabit a dika.

Say Libro nen Job 5:5

Kanen na totoon narasan iray bungay tanaman na toon makulang-kulang— anggan saray trigon walad kasabitan— tan panggonaetan na saray napgaan a totoo so kayamanan to.

Saray Hebreo 6:8

Balet no satan a dalin et patutuboen to ray tantanaman a masabit tan saray dikarika, anggapoy kana to; kanyan asingger ya isamba na Dios tan napoolan.

Jeremias 4:3

Say Katawan kuantod saray totood Juda tan Jerusalem, “Baka yo ray ag ni abakan kaalogan yo; ag yo isisibwag ed kasabitan iray bini yo.

Isaias 32:13

saray masabit a dika tan saray balisanga so ontutubod dalin da ray totook. Nangisan yo ray amin a kaabungan a maliket a nanaayaman nen saman na saray totoo tan say siudad a magayaga nen saman.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Probirbio 22:5

No inarom so bilay mo, paliisan mo ray patit a mangeerel na saray totoon maoges diad dalan.

Say Libro nen Job 31:40

aliwan say trigo tan say sibada komun so ontubo, no ag ingen saray dika tan saray kasabitan.” Dia nansamput iray salita nen Job.

Josue 23:13

andiduaruwan ag la ra pabatiken na Katawan a Dios yo legan yon lolooban iray dalin da. Ingen, magmaliw iran singa patit o kalut ed sikayo odino singa ra ansakit a bakbak ed beneg yo odino sabit ed mata yo. Et mansiansia yan anggad anggapoy nakeraan ed sikayo ed sayan maung a dalin ya inter ed sikayo na Katawan a Dios yo.

Jeremias 12:13

Nantanem na trigo iray totook, balet kasabitan so naani ra; pinasyay impankimey da, balet anggapoy agunggona ra. Lapud mapalalon pasnuk ko ag nambunga ray tantanaman da.”

Probirbio 24:31

Napno ra na saray masabit a tanaman tan saray dikarika. Ageba ray padir ed kaliber-liber da.

Saray Salmo 104:2

tan nilimbus moy sikan dili na liwawa. Inyaplag mon singa tulda iray katawenan,

Saray Salmo 90:3

Ibabagam ed too ya ompawil ed dabuk a gendat a kipapasen to.

Say Libro nen Job 1:21

Inkuanto, “Nianak ak a kalima-lima, ompatey ak a kalima-lima. Angiter so Katawan tan natan binawi to. Nadayew komun so ngaran to!”

Saray Taga Roma 14:2

Walay toon manisian naakan toy amin a nakan, balet pising labat so kakaney toon makapoy ed pananisia.

Genesis 3:17

Inkuantod samay laki, “Dinengel moy asawam tan kinan moy prutas ya imbagak ed sikan ag mo kanen. Lapud sayan ginawam, nisambay dalin. Nakaukolan a mansagput kay baleg legan mon mambilay, pian mangiter so dalin na malaem a taganom.

Genesis 3:19

Nakaukolan moy manlinget tan mansagput na baleg, pian makaiter so dalin na antokaman a napambilay ya anggad ipatey tan ipawil mod dalin a nanlapwan mo. Nanlapu kad dalin, tan magmaliw ka lamet a dalin.”

Isaias 7:24

Saray totoo a sankaawit day pana ra et mananup irad man. On, magmaliw a kasabitan so intiron bansa.