Genesis 3:13 - Maung A Balita Biblia

¹³ Tinepet na Katawan a Dios ed samay bii, “Akin et ginawam so ontan?” Inmebat imay bii, “Pinalikdo ak na samay oleg, et angan ak na samay bungay kiew.”

Maung a Balita Biblia

¹³ Tinepet na Katawan a Dios ed samay bii, Akin et ginawam so ontan? Inmebat imay bii, Pinalikdo ak na samay oleg, et angan ak na samay bungay kiew.

Genesis 3:13 Referans Kwoze

2 CORINTO 11:3

Balet mapaga ak, ta ompan naderal iray kanunotan yo tan niarawi kayod matoor tan malinis a panangarod Cristo, a singa si Eva et apalingo lapud silib na oleg.

1 Timoteo 2:14

Aliwan si Adan no ag ingen samay bii so apalingo tan anumlang ed ganggay Dios.

Juan 18:35

Inmebat si Pilato, “Judio ak ta? Saray kabaleyan mo tan saray manonan pari so angiparontal ed sikad siak. Anto tay ginawam a?”

2 Samuel 3:24

Kanyan linmay Joab ed ari tan kuantod sikato, “Antoy ginawam? Linmad sikay Abner—akin et onmay impangibakim ed sikato?

Genesis 44:15

tan inkuanto, “Antoy ginawa yo? Ag yo ta amta a siak a toon manoley et naerel ta kayo diad panamegley na panagparles?”

1 Samuel 13:11

Balet inkuanen Samuel, “Antoy ginawam?” Inmebat si Saul, “Tataynan ak la na saray totoo, ta ag ka sinmabid oras ya imbagam tan, sakey ni, mantitipon ed Micmas iray Filisteo.

Saray Taga Roma 7:11

Ta inkana na kasalanan so ganggan a pamalingo tan pamatey ed siak.

1 Samuel 15:15

Inmebat si Saul, “Inala ra na saray totook ed saray Amalecita. Ag da pinatey iray sankaabigan a karniro tan saray baka, ta isaklang da ran bagat ed Katawan a Dios mo, balet sigput min pinatey iray arum.”

Genesis 12:18

Impaawit na ari si Abram tan tinepet to, “Antoy ginawam ed siak? Akin et ag mo imbagad siak ya asawam manaya si Sarai?

Levitico 12:5

Diad loob na labinapat agew kayariy pananak na ina ed sakey a bii, sayan ina et marotak onung ed ganggan, a singa inkarotak to no naliliberan. Insan anemaplo tan anem ya agew ni a siansian marotak lapud inkaekalan toy dala nen nananak.

1 Saray Arari 13:18

Insan inkuan na samay masiken a propitan taga Betel, “Propita ak met a singa sika, tan diad ganggan na Katawan inkuan ed siak na anghil ya itagar ta kad abung ko, ta sangkailien ta ka.” Balet mantitila may masiken a propita.

Jonas 1:10

Intuloy nen Jonas ya imbagad sikara ya ibabatikan toy Katawan. Mapalaloy inkataktakot da ra may mariniro, kanyan kuandad sikato, “Akin et ontay ginawam?”