Genesis 29:2 - Maung A Balita Biblia

² Kabebekta anengneng toy sakey a bobun ed alog a walay taloran simpok na karniron mandokdokul ed abay to. Diay inoman da tan walay baleg a batod sangab to.

Maung a Balita Biblia

² Kabebekta anengneng toy sakey a bobun ed alog a walay taloran simpok na karniron mandokdokul ed abay to. Diay inoman da tan walay baleg a batod sangab to.

Genesis 29:2 Referans Kwoze

Juan 4:6

Diay kawalaan na bobun nen Jacob. Naknaksawan si Jesus lapud impanakar to, kanyan inmirung ed abay na bobun. Ngalngali lan alas dosi ed kaagewan.

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Puyan 7:17

Ta samay Kordiron walad pegley na trono so mampastol ed sikara. Iwanwan to rad sobusobul na mabilay a danum, tan ponasey Dios iray amin a lua ed mata ra.”

Juan 4:14

“balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.”

Saray Salmo 23:2

Pampapainawaen to ak ed saray malambut a dika, tan iyaakar to ak ed mareen a danum.

Genesis 24:13

Wadya ak ed abay na bobun, a diay asulan na saray mamarikit ed siudad.

Genesis 24:11

Kasabi tod abay na bobun a walad paway na siudad, pinatalimukor to ra may kamilyo. Ngarem lad saman tan sikatoy oras ya ipapaway da ray bibii ya onasul.

Genesis 24:10

Samay aripen, a makaoley ed kayaryan nen Abraham, angala na samploran kamilyo nen amo to, pinano toy beneg da na mabmabli ran rigalo, insan linmad siudad a nanayaman nen Nacor diad baybay na Mesopotamia.

Genesis 29:3

Kapag mantitipon irad may karniro, ekalen na saray pastol imay bato, painomen da ra, insan da ipawil imay bato ed pasen to.

Saray Huis 5:11

Dengel kayo! Saray maingal a karaklan ed kaliber-liber na saray bobun et ibabaga ra so saray impanalo na Katawan, saray impanalo na saray Israelita! Insan nambabansag ya inmakseb a nanlapud saray siudad da iray totoo na Dios.