Genesis 29:17 - Maung A Balita Biblia

¹⁷ Balibali ray mata nen Lea, balet maung ya impanlaman tan maganggana si Raquel.

Maung a Balita Biblia

¹⁷ Balibali ray mata nen Lea, balet maung ya impanlaman tan maganggana si Raquel.

Genesis 29:17 Referans Kwoze

Genesis 12:11

Nen asingger to lan beltangen so ketegan a mamaarap ed Egipto, inkuantod kinen Sarai ya asawa to, “Maganggana kan bii.

Mateo 2:18

“Nadngel so tanul ed Rama— tanul na ampaipait a pannangis tan panugaog. si Raquel saray anak to nanangisan to ra; maneermen tan ag naligliwa, ta amin da inaatey la.”

Jeremias 31:15

Say Katawan kuanto, “Nadngel so tanul ed Rama, tanul na ampaipait a pannangis tan panugaog. Si Raquel saray anak to nanangisan to ra; maneermen tan ag naligliwa, ta naandi la ra.

Probirbio 31:30

Makapalikdo so limgas tan mangangga so ganggana, balet nepeg ya idayew so biin papagalangan toy Katawan.

1 Samuel 10:2

No taynan mo ak ed sayan agew, nasabat moy duaran lalaki diad abay na lobuk nen Raquel diad Selsa, diad pasen a sakop nen Benjamin. Ibaga rad sika a nalmo la ra may asno ya aanapen mo, kanyan ag la ra pampapagaan nen amam no ag ingen sika natan so pampapagaan to. Pitepet to, ‘Anto kasiy gawaen kon nipaakar ed samay anak ko?’

Genesis 48:7

Gagawaen ko ya, lapud kinen inam a Raquel. Kaermenan kon tuloy nen inatey si Raquel ed dalin na Canaan ya ag arawid Efrata, nen ompapawil ak a nanlapud Mesopotamia. Imponpon kod man diad gilig na dalan a mamaarap ed Efrata.” (Betlehem so tawag natan ed Efrata.)

Genesis 39:6

Impia tod kinen Jose ya amin iray kayaryan to, kanyan anggapoy nepeg ton asikasoen, likud labat ed pampili toy kanen to. Maung ya impanlaman si Jose tan guapo.

Genesis 35:24

diad kinen Raquel: Jose tan Benjamin;

Genesis 30:22

Anunotan na Dios si Raquel; inebatan toy pikakasi to, kanyan inyabuloy ton makaanak.

Genesis 29:18

Walay panibeg nen Jacob ed kinen Raquel, kanyan inkuanto, “Manlingkur ak ed sikayo a pitoy taon, no paasawa yod siak si Raquel.”

Genesis 24:16

Magangganan talaga si Rebeca, tan sakey nin birhin. Linmasur ed bobun, kinargaan toy boyug to, insan la sinmigep.

Genesis 12:14

Nen akasabi rad Egipto, anengneng a tua na saray tagad man a magangganay asawa nen Abram.

Genesis 26:7

Nen tinepet na saray lalakid man so nipaakar ed asawa to, imbaga ton agi to, lapud antakot a mangipatuan asawa to. Antakot ta ompan pateyen da, et naala ray Rebeca a maganggana.

Genesis 29:16

Walay duaran bibiin anak nen Laban: Lea so pangulowan, tan Raquel so yogtan.

Genesis 29:30

Inakdulan met sirin nen Jacob si Raquel, tan inaro to ni nen si Lea. Insan nanlingkur ni na pitoy taon ed kinen Laban.