Genesis 28:3 - Maung A Balita Biblia

³ Bindisionan komun na Dios a Makapanyarin-amin so pangasawam tan itdan to ka komuy amayamay ya anak, pian magmaliw kan ama na amayamay a bansa.

Maung a Balita Biblia

³ Bindisionan komun na Dios a Makapanyarin-amin so pangasawam tan itdan to ka komuy amayamay ya anak, pian magmaliw kan ama na amayamay a bansa.

Genesis 28:3 Referans Kwoze

Genesis 48:3

Inkuanen Jacob ed kinen Jose, “Pinmayawar ed siak so Dios diad Luz ed dalin na Canaan tan binindisionan to ak.

Genesis 35:11

Insan inkuan na Dios ed sikato, “Siak so Dios a Makapanyarin-amin. Nawalaan kay amayamay ya anak. Manlapud sika ray bansa tan arari.

Genesis 13:16

Diad karakel na iter kod sikan kabyangay boleg mo, no bilangen mo ra singa ka mambibilang na dabuk.

Genesis 9:1

Si Noe tan saray anak ton lalaki et binindisionan ira na Dios ya inkuanto, “Mamparakel kayoy anak, pian nakayatan day intiron mundo.

Genesis 1:28

binindisionan to ra, tan inkuantod sikara, “Mamparakel kayoy anak, makmakan yoy intiron mundo, tan oleyan yo. Oleyan yo ray sira, saray manok, tan amin iray ayayep.

Genesis 43:14

Iyabuloy komun na Dios a Makapanyarin-amin a kasian to kayo tay too, pian ipawil tod sikayo si Benjamin tan samay sakey ya agi yo. Para say siak, no nepeg a naandid siak iray anak ko, sipaparaan ak.”

Genesis 41:52

Inkuanto met, “Say Dios initdan to ak na anak ed sayan dalin a paniirapan ko”; kanyan inngaran to na Efraim imay kumadwan anak to.

Genesis 24:60

Insan da inter ed Rebeca so bindision da diad panamegley na sarayan balikas, “Sika, agi, magmaliw ka komun ya ina na libo-libon totoo. Taloen komun na saray kabyangay boleg mo iray siudad na kalaban da.”

Puyan 21:22

Anggapoy anengneng kon timplo ed samay siudad, ta say Katawan a Dios a Makapanyarin-amin tan say Kordiro so pinagkatimplod man.

2 CORINTO 6:18

Siak met lad satay magmaliw ya ama yo, tan sikayon lalaki tan bibii met la so magmaliw ya anak ko, say Makapanyarin-amin a Katawan onyay ibabaga to.”

Saray Salmo 127:3

Rigalo na Katawan iray anak; petepeteg iran tumang.

Exodo 6:3

Pinmanengneng ak a Makapanyarin-amin a Dios ed kindi Abraham, Isaac, tan Jacob, balet aliwan diad panamegley na masanton ngaran ko a Yahweh.

Saray Salmo 127:1

No ag ipaalagey na Katawan so abung, anggapoy kana so sagput da ray managpaalagey; no ag iyagel na Katawan so siudad, anggapoy kana so pambabantay da ray guardia.

Genesis 17:20

Dinengel koy kerew mo nipaakar ed kinen Ismael, kanyan bindisionan ko tan itdan koy amayamay ya anak tan amayamay a kabyangay boleg. Magmaliw ya ama na labinduan prinsipi, tan pagmaliwen kon sakey a bansa iray kabyangay boleg to.

Genesis 26:4

Singa karakel na bitewen ed tawen iray iter kod sikan kabyangay boleg mo, tan iter ko yan amin a pasen ed sikara. Amin a bansa kerewen dad siak a bindisionan ko ra a singa pamindision kod saray kabyangay boleg mo.

Genesis 26:24

Diad saman a labi na intaynan to pinmayawar ed sikato so Katawan tan inkuanto, “Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.”

Genesis 27:33

Ginmiwgiw so intiron laman nen Isaac, tan tinepet to, “Siopa sirin imay amatey na ayep, insan to imparongod siak? Kinan ko, kasakbayan ya onsabi ka. Inter kod sikatoy samput a bindision ko, tan kien to la ya anggad angga.”

Genesis 48:4

Inkuantod siak, ‘Parakelen kon maung so kabyangay pamilyam, pian magmaliw ya amayamay a bansa iray kabyangay boleg mo; iter kod saray kabyangay boleg mo yan dalin tan kayaryanen da ed anggad angga.’”

Genesis 49:25

Say Dios na amam so ontutulong ed sika, Say Makapanyarin-amin a Dios a mamibindision ed sika, Na saray bindision ya oran a manlalapud tawen Tan aralem iran sobul a manlalapud dalem na dalin, Saray bindision ya amayamay a baka tan amayamay ya anak,

Exodo 1:7

Balet amayamay iray anak tan apo na saman a kailalakan, a salanti saray Israelita; dinmakerakel ira tan nagmaliw iran makapanyarin tuloy, kanyan kinmayat iran nanayam ed intiron bansa na Egipto.

Ruth 2:4

Ag abayag sinmabiy Booz a nanlapud Betlehem. Inlugay nen Booz iray manaani, “Wala komun ed sikayo so Katawan!” Inmebat ira may manaani, “Bindisionan ka komun na Katawan!”