Genesis 28:18 - Maung A Balita Biblia

¹⁸ Kasabiy kabwasan, asaksakbay a binmangon si Jacob, inala to may baton dinanganan to, insan to inapiapiger ya impaalagey ya inlira a sakey a pakanudnunotan. Kinalboan toy larak na oliba a pangisaklang tod Dios.

Maung a Balita Biblia

¹⁸ Kasabiy kabwasan, asaksakbay a binmangon si Jacob, inala to may baton dinanganan to, insan to inapiapiger ya impaalagey ya inlira a sakey a pakanudnunotan. Kinalboan toy larak na oliba a pangisaklang tod Dios.

Genesis 28:18 Referans Kwoze

Genesis 35:14

Diman ed samay pasen ya akitongtongay Dios ed sikato, angipaalagey si Jacob na baton pakanudnunotan tan insaklang tod Dios diad impangikalbo toy alak tan larak na oliba.

Genesis 31:45

Angala sirin na bato si Jacob tan impaalagey tod man a sakey a pakanudnunotan.

Genesis 35:20

Angyan diman si Jacob na baton pakanudnunotan; anggad natan sikato niy tanda na lobuk nen Raquel.

Genesis 31:13

Siak imay Dios a pinmayawar ed sika diad Betel, a dimay angipaalageyan moy bato a pakanudnunotan tan insaklang mon masanto ed siak—tan diman met so nanggawaan moy sakey a sinambaan a sipan ed siak. Natan mamparaan ka, taynan kad sayan dalin tan pawil kad dalin a nianakan mo.’”

Isaias 19:19

No onsabiy tan a panaon, nawalaan na altar a para Katawan so Egipto tan say sakey a masanton lusek a nisaklang ed sikato diad Egipto.

Ecclesiastes 9:10

Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Saray Salmo 119:60

Ag ak manaabala no ag ta gaganatan ko ya onuren iray ganggan mo.

2 Samuel 18:18

Legan na impanbilay nen Absalom angipaalagey na monuminto to diad Patar na Ari, ta anggapoy anak ton laki a mangituloy na ngaran to. Ngaran ton dili so inngaran tod samay monuminto, et anggad sayan agew tatawagen na Monuminto nen Absalom.

1 Samuel 7:12

Insan angalay Samuel na sakey a bato, tan inyan tod ketegan na Mizpa tan Sen, tan inngaran to na Ebenezer, ta inkuanto, “Tinulongan itayo na Katawan.”

Saray Bilang 7:1

Diad samay agew ya asumpal nen Moises ya inlira imay Tuldan Ayamay Katawan, nilanaan toy larak tan insaklang to so Tulda tan amin ya kagawaan to; insaklang to met so altar tan amin a kagawaan to.

Genesis 22:3

Diad kabkabwasan na ontombuk ya agew, nambelang si Abraham na kiew a para bagat, intapew tod asno to, tan intagar toy Isaac tan saray duaran aripen to. Ginapwan day amaarap ed samay pasen ya imbagay Katawan.

Genesis 28:11

Nen onseselek lay agew, sinmabid masanton pasen tan nankampod man. Dinmokul a naogip a dinmangan ed sakey a bato.

Josue 4:9

Angilira met si Josue na labinduan bato ed pegley na Ilog na Jordan, dimad nanalageyan na saramay anakbat na Kaban na Sipanan. (Wadman ni ra man a bato.)

Genesis 21:14

Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakar-akar ed kalawakan na Beer-seba.