Genesis 28:14 - Maung A Balita Biblia

¹⁴ Magmaliw iran singa karakel na dabuk ed dalin. Onkayat ira ed amin a sokung na mundo, tan diad panamegley mo tan saray kabyangay boleg mo, bindisionan ko ray amin a bansa.

Maung a Balita Biblia

¹⁴ Magmaliw iran singa karakel na dabuk ed dalin. Onkayat ira ed amin a sokung na mundo, tan diad panamegley mo tan saray kabyangay boleg mo, bindisionan ko ray amin a bansa.

Genesis 28:14 Referans Kwoze

Genesis 12:3

Bindisionan ko ray mamindision ed sika, Balet isambak iray mangisambad sika. Diad panamegley mo bindisionan kon amin iray bansa ed mundo.”

Genesis 26:4

Singa karakel na bitewen ed tawen iray iter kod sikan kabyangay boleg mo, tan iter ko yan amin a pasen ed sikara. Amin a bansa kerewen dad siak a bindisionan ko ra a singa pamindision kod saray kabyangay boleg mo.

Saray Gawgawa 3:25

Para sikayo ray insipan na Dios diad panamegley da ray propita, tan mibibiang ki met ed sipanan a ginaway Dios tan saray lalaki yo. Onung na inkuay Dios ed kinen Abraham, ‘Bindisionan koy amin a katoowad mundo diad panamegley na saray kabyangay boleg mo!’

Genesis 22:18

Nabindisionan iray amin a bansad mundo a singa impamindision kod saray kabyangay boleg mo—lapud inonur moy ganggan ko.”

Genesis 18:18

Magmaliw a baleg tan makapanyarin bansa iray kabyangay boleg to, tan diad panamegley to bindisionan kon amin iray bansa.

Genesis 13:16

Diad karakel na iter kod sikan kabyangay boleg mo, no bilangen mo ra singa ka mambibilang na dabuk.

Genesis 13:14

Kasiput nen Lot, inkuan na Katawan ed kinen Abram, “Manlapud tan ed kawalaan mo, nengneng mon maung so kaliber-liber mo;

TAGA GALACIA 3:16

Natan, wala ray sipay Dios ed kinen Abraham tan say apo to. Ag ibabagay Masanton Sulat, “tan saray apo to,” a say labay ton ibaga et amayamay, no ag ingen “tan say apo to,” a say labay ton ibaga et saksakey tan si Cristo ya.

TAGA GALACIA 3:8

Akaona lan impanengneng na Masanton Sulat a say Dios paandien to so kasalanan da ray Hintil diad panamegley na pananisia. Ontan met, akaona lan imbagay Masanton Sulat ed kinen Abraham so Maung a Balita, “Diad panamegley mo, bindisionan na Dios iray amin a katoowan.”

Puyan 7:9

Kasumpal to ya, anengneng koy balbaleg a dagop na katoowan ya anggapoy makabilang lapud karakel da. Nanlapu rad amin a bansa, tribu, totoo, tan salita. Manalalagey irad arap na trono tan samay Kordiro. Akakawes iray ampoti tan sankabembenan da ray palapa na palma.

TAGA-EFESO 1:3

Nagalang komuy Dios tan Ama na Katawan tayon Jesu-Cristo, ta initdan to itayo na amin a maispiritun bindision ed katawenan, lapud pikakasakey tid Cristo.

Mateo 8:11

Tandaan yo ya! Amayamay iray manlapud bokig tan sagur a mirongod kindi Abraham, Isaac, tan Jacob ed Panariay tawen.

Saray Salmo 72:17

Ag komun nalingwanan so ngaran na ari; mansiansia komun a singa agew so inkabantug to. Amin a bansa kerewen da komun ed Dios a bindisionan to ra a singa impamindision tod ari.

Deuteronomio 12:20

“No apaawang la na Katawan a Dios yo so dalin yo onung na insipan to, nayarian yoy mangan na karni kapag nanunotan yo.

Saray Bilang 23:10

Singa karakel na dabuk so karakel na saray Israelita. Diad gaway karakel da ag ira nabilang. Ompatey ak komun a sakey a matonung, Mangangga komuy bilay ko a sakey ed saray totoo na Dios.”

Genesis 32:12

Ag mo pa lilingwanan ya insipan mon ag mo ak paolyan pian maung so pansumpalan ko; insipan mo met ya itdan mo ak na saray kabyangay boleg ko a diad kinarakel da et ag ira nabilang, ta singa kinarakel na buer ed gilig na dayat so bilang da.”

Puyan 7:4

Insan nibagad siak so bilang da ray amarkaan: sanlasus, apataplo tan apat a libo a nanlapud amin a boleg na saray totood Israel.

Genesis 13:15

amin a dalin a nabantag mo, iter kod sika tan diad saray kabyangay boleg mo, tan kayaryan mo ra ya anggad angga.

Genesis 22:17

isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da.

Genesis 48:16

Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.”

Genesis 48:19

Ag inmabuloy si ama to tan kuanto, “On, amtak anak ko. Magmaliw met a matalonggaring a totoo iray kabyangay boleg nen Manases. Balet magmaliw a matalonggaring ni so yogtan to nen say sikato, tan magmaliw a matalonan bansa iray kabyangay boleg to.”

Deuteronomio 13:17

Ag kayo mangisisinup na antokaman a nepeg a deralen, et diad satan onkepa so ontan lan pasnuk na Katawan tan abageyen to kayo. Kasian to kayo tan parakelen to kayon totoo, onung na insipan tod saray lalaki yo,

2 Saray Awaran 1:9

O Katawan a Dios, sumpal mo pa la natan imay sipan mod kinen amak. Impagmaliw mo ak ya ari na saray totoon ag nayari ran bilangen lapud karakel da.

Isaias 54:3

Paawangen moy ketegan mo ed amin a dapag; nabawi na saray totoo so dalin a panaayaman natan na saray arum a bansa. Napano na saray totoo iray siudad ya ataynan ira natan.

Exodo 32:13

Nunot mo pa ra di aripen mon Abraham, Isaac, tan Jacob. Nunot mo pa a sinambaan mo ya itdan iray amayamay a kabyangay boleg a singa karakel na bibitewen ed tawen, tan iter mod saray kabyangay boleg da so intiron dalin ya insipan mon kayaryanen da ed ando lan ando.”