Genesis 28:13 - Maung A Balita Biblia

¹³ Insan anengneng toy Katawan a manalalagey ed abay to. Inkuan na Katawan, “Siak so Katawan a Dios nen Abraham tan si Isaac. Iter kod sika tan saray kabyangay boleg mo yan dalin a pandokdokulan mo.

Maung a Balita Biblia

¹³ Insan anengneng toy Katawan a manalalagey ed abay to. Inkuan na Katawan, Siak so Katawan a Dios nen Abraham tan si Isaac. Iter kod sika tan saray kabyangay boleg mo yan dalin a pandokdokulan mo.

Genesis 28:13 Referans Kwoze

Genesis 13:15

amin a dalin a nabantag mo, iter kod sika tan diad saray kabyangay boleg mo, tan kayaryan mo ra ya anggad angga.

Genesis 48:3

Inkuanen Jacob ed kinen Jose, “Pinmayawar ed siak so Dios diad Luz ed dalin na Canaan tan binindisionan to ak.

Genesis 35:12

Iter kod sikay dalin ya inter kod kindi Abraham tan Isaac, tan iter ko met ed saray kabyangay boleg mo no andi ka lad bilay.”

Genesis 26:24

Diad saman a labi na intaynan to pinmayawar ed sikato so Katawan tan inkuanto, “Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.”

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

Genesis 35:1

Inkuan na Dios ed kinen Jacob, “Lakan tampol ed Betel tan manayam kad man. Manggawa kad may altar a para siak a Dios a pinmayawar ed sika nen ibabatikan moy agim ya Esau.”

Saray Hebreo 11:16

Balet say pampipilalekan da say magmaung a bansa—say mangatatawen a bansa. Kanyan ag imbaing na Dios a sikatoy tawagen da a Dios da, ta imparaanan to ray sakey a siudad.

Exodo 3:6

Siak so Dios na saray lalakim, say Dios di Abraham, Isaac, tan Jacob.” Sinakuban nen Moises so lupa to, ta tinmakot ya onnengneng ed Dios.

Mateo 22:32

‘Siak so Dios nen Abraham, Dios nen Isaac, tan Dios nen Jacob.’ Say labay to yan ibaga sikatoy Dios da ray mabilay, aliwan Dios na saray inaatey.”

Genesis 46:3

“Siak so Dios, say Dios nen amam,” inkuanto. “Ag ka natatakot ya onlad Egipto; gawaen kod man a baleg a bansa iray kabyangay boleg mo.

Genesis 35:17

Nen mapalaloy pampapasakit to, inkuan na manamyanak ed sikato, “Ag ka natatakot, Raquel; sakey a laki lamet so anak mo.”

Genesis 32:9

Insan nampikasiy Jacob, “Dios nen lakik ya Abraham tan Dios nen amak ya Isaac, dengel mo ak pa! Imbagam ed siak, Katawan, ya ompawil ak ed dalin ko tan saray kakanayon ko, tan ag mo ak paolyan pian maung so pansumpalan ko.

Genesis 31:42

No ag ak labat tutulongan na Dios da ray atateng ko, say Dios ya inggalang di Abraham tan Isaac, pinataynan yo ak la komun a kalima-lima. Balet anengneng na Dios so gunigon ko tan say kimey ko; kalabyan inter to lay sintinsia to.”

Genesis 28:4

Bindisionan to ka komun tan saray kabyangay boleg mo, a singa samay impamindision tod kinen Abraham, tan nakayaryan mo komun yan dalin a panaayaman mo tan sikatoy dalin ya inter na Dios ed kinen Abraham!”

Genesis 26:3

Dia ka la manayam; ibaan ta ka tan bindisionan ta ka. Iter ko yan amin a pasen ed sika tan saray kabyangay boleg mo. Tooren koy insipan kod kinen Abraham ya amam.

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Saray Gawgawa 7:5

Ag initday Dios na anggan sankarangan a dalin dia, balet insipan ton magmaliw lamlamang a kayaryan to tan saray kabyangay boleg to. Nen insipan ya na Dios, anggapo niy anak nen Abraham.

Saray Salmo 105:11

“Iter kod sikay dalin na Canaan,” inkuanto. “Sikatoy tawiren mo.”

Genesis 35:15

Inngaran to na Betel iman a pasen.

Genesis 13:17

Natan sirin, liber mo yan dalin, ta iter kod sikan amin.”

Genesis 15:18

Diad saman ya agew, akisipanan so Dios ed kinen Abram. Inkuanto, “Isipan kon iter ed saray kabyangay boleg mo yan dalin, manlapud ketegan na Egipto ya anggad Ilog na Eufrates,

Genesis 31:5

Inkuantod sikara, “Nalilikas kon mangooman lay panangarod siak di ama tayo; balet aasikasoen ak lawas na Dios nen amak.

Genesis 31:13

Siak imay Dios a pinmayawar ed sika diad Betel, a dimay angipaalageyan moy bato a pakanudnunotan tan insaklang mon masanto ed siak—tan diman met so nanggawaan moy sakey a sinambaan a sipan ed siak. Natan mamparaan ka, taynan kad sayan dalin tan pawil kad dalin a nianakan mo.’”

Genesis 31:53

Say Dios nen Abraham tan say Dios nen Nacor so manintinsiad sikatan dua.” Insan diad ngaran na Dios ya inggalang nen ama ton Isaac, sinambaan nen Jacob a tooren to yan sipan.

Exodo 2:24

Dinengel toy ngesnges da, ta anunotan toy impisipanan tod kindi Abraham, Isaac, tan Jacob.

Exodo 4:5

Imbilin na Katawan ed kinen Moises, “Gawam yan pakelaw a pamaneknek mod saray Israelita a say Katawan a Dios na samay lalaki ra, say Dios di Abraham, Isaac, tan Jacob, et pinmanengneng ed sika.”

Exodo 6:4

Akisipanan ak met ed sikara; insipan kon iter ed sikaray dalin na Canaan, say dalin a nanayaman da nen sangkaili rad man.

Deuteronomio 1:8

Amin da ra yan pasen et sikaray dalin ya insipan ko, siak a Katawan, ya iter ed saray lalaki yon di Abraham, Isaac, tan Jacob, tan diad saray kabyangay boleg da. Laka yo sirin tan panayaman yo.’”

Deuteronomio 9:5

Say Katawan et pakakayaryan tod sikayo so dalin da, aliwan lapud maung kayon totoo tan gagawaen yo so katunongan. Pataynanen to ra lapud maoges ira tan lapud labay ton tooren imay insipan tod saray lalaki yo ya Abraham, Isaac, tan Jacob.

Deuteronomio 34:4

Insan say Katawan kuantod kinen Moises, “Saman so dalin ya insipan kod kindi Abraham, Isaac, Jacob ya iter kod saray kabyangay boleg da. Impanengneng kod sika, balet ag ta ka palooben diman.”

Amos 7:7

Walay sananey ya impasingayew na Katawan ed siak. Diad sayan pasingayew anengneng koy Katawan a manalalagey ed abay na padir a pinatawinan nen impaalagey, tan sankabembenan toy sakey a patawin.

Genesis 32:10

O matoor a Katawan, ag ak manepeg a mangawat na panangarom tan panangasim ya impatnag mod siak a mapaabeban aripen mo. Binaliw koy Jordan ya anggapoy awit ko no ag say baston labat, balet natan pinmawil ak a kaibak ira yan duaran olup.

Exodo 6:7

Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio.

1 Saray Awaran 16:16

say impisipanan tod kinen Abraham, say sinambaan tod kinen Isaac.

1 Saray Awaran 16:18

“Iter kod sikay dalin na Canaan,” inkuanto. “Sikatoy tawiren mo.”

Ezekiel 28:25

Say Katawan a Dios kuanto, “Papawilen ko ray Israelita ed dalin da, manlapud saray bansan nikayatan da, et diad satan nakabatan na saray amin a bansa a siak so masanto. Saray totood Israel manayam irad dilin dalin da, say dalin ya iter kod kinen aripen kon Jacob.