Genesis 27:40 - Maung A Balita Biblia

⁴⁰ Mambilay ka diad panamegley na ispadam, Balet manlingkur kad agim. Anggaman ontan, no onlaban kad sikato, Makaekal ka ed silong na pakayari to.”

Maung a Balita Biblia

⁴⁰ Mambilay ka diad panamegley na ispadam, Balet manlingkur kad agim. Anggaman ontan, no onlaban kad sikato, Makaekal ka ed silong na pakayari to.

Genesis 27:40 Referans Kwoze

Genesis 25:23

Inkuan na Katawan ed sikato, “Duaran bansa so logan na eges mo; Mananak kay duaran bansan manlaban. Mabiskeg niy sakey ed sikaran dua; Manlingkur so pangulowan ed yogtan.”

2 Saray Awaran 21:10

Nanlapud saman andi lad silong na pakaoley na Juda so Edom. Diad saman met a panaon, linmaban met ed Juda so siudad na Libna, lapud inkaindan nen Jehoram so Katawan, say Dios na saray lalaki to.

2 Samuel 8:14

Nankampod nandoroman lugar na Edom iray sondalo to, kanyan nagmaliw a walad silong na pakaoley to ray tagad man. Impanatalo na Katawan si David ed anggan iner a pasen.

Saray Salmo 60:8

Balet say Moab so panorasan kon palanggana, tan say Edom so pangibantakan koy sandalyak, a sakey a tanda a kayaryan ko. Abaloan na saray Filisteo ya oneyag ira lapud panalo rad siak?”

2 Saray Awaran 21:8

Legan na panooley nen Jehoram, linmaban ed Juda so Edom, tan nagmaliw a walay dilin ari na Edom.

2 Saray Arari 14:10

Natan sika, Amasias, tinalom la ray Edomita, kanyan mapaatagey ka la. Panliketan mo la tay inkabantug mo tan ditan ka lad nanarian mo. Akin et mangigagapo ka niy golo a pakaderalan mo tan saray totoom?”

2 Saray Arari 14:7

Pinatey nen Amasias iray samplon libo ya Edomitan sondalo diad Patar na Asin; diad bakal dinakep toy siudad na Sela, insan tinawag to na Jokteel, say ngaran ya ag ni naoman ya anggad natan.

Genesis 32:6

Nen pinmawil ed kinen Jacob ira may imbaki to, inkuanda, “Linma kamid kinen agim ya Esau, tan wala lad dalan a mangabet ed sika. Kaiba toy apat a lasus a lalaki.”

Mateo 10:34

“Ag yo iisipen a linma ak dian mangiter na kareenan ed dalin. Andi! Linma ak dian awit koy ispada, aliwan say kareenan.

Genesis 27:29

Magmaliw komun ya aripen mo ray bansa, tan ontuek komun ed sika ray totoo. Oleyan mo komun ya amin iray kakanayon mo tan ontuek ed sika komun iray kabyangay boleg nen inam. Nisamba komun iray mangisambad sika, tan nabindisionan komun iray mamindision ed sika.”

Genesis 33:9

Balet inkuanen Esau, “Malaem la ray kayaryan ko, agi; kien mo la ray kayaryan mo.”