Genesis 27:27 - Maung A Balita Biblia

²⁷ Nen anguban to, naangub nen Isaac so angub na kawes nen Esau, kanyan inter toy bindision to ed kinen Jacob. Inkuanto, “Say balingit na anak ko singa balingit na alog a binindisionay Katawan.

Maung a Balita Biblia

²⁷ Nen anguban to, naangub nen Isaac so angub na kawes nen Esau, kanyan inter toy bindision to ed kinen Jacob. Inkuanto, Say balingit na anak ko singa balingit na alog a binindisionay Katawan.

Genesis 27:27 Referans Kwoze

Saray Hebreo 6:7

Bibindisionay Dios so dalin a manesepsep na oran a naynay ya ompepelag, tan patutuboen to ray tantanaman a pinabangan na saray intaneman.

Saray Salmo 65:10

daakan ya oran so ipepelag mod saray binakan kaalogan tan luluaken mo ra; palelemeken moy dalin diad panamegley na mayamaya, tan papabalegan mo ray ontutubon tantanaman.

Genesis 26:12

Tinaneman nen Isaac iman a dalin, tan diad saman a taon akaani na maminlasus a kinarakel ed samay intanem to, lapud binindisionan na Katawan.

Saray Hebreo 11:20

Lapud pananisia, inter nen Isaac ed kindi Jacob tan Esau iray bindision a para arapen a panaon.

Kanta nen Solomon 2:13

Naluluto la ray bungay igos; mansamyung lay balingit na saray rosas da ray ubas. Gala sirin, O inarok; mila kad siak, O pinablik.

Genesis 27:15

Inala nen Rebeca so walad abung a sankaabigan a kawes nen Esau, insan to insolung ed kinen Jacob.

Genesis 27:26

Insan inkuanen ama to, “Asingger ka, ta anguban mo ak, anak ko.”

Genesis 48:10

Korarap la ray mata nen Jacob, lapud masiken la, tan ngalngali la ag makanengneng. Inyasingger nen Jose ira may ogogaw ed sikato, nilakap to ra tan inanguban to ra.

Deuteronomio 33:13

Nipaakar ed tribu nen Jose inkuanto: “Say Katawan bindisionan to komun na oran so dalin da. Bindisionan to met komun na danum a manlapud dalem na dalin.

Genesis 27:39

Inkuanen Isaac ed sikato, “Anggapoy linaew na tawen a para sika, Anggapoy mataban dalin a para sika.

Genesis 48:15

Insan to binindisionan ni Jose: “Sarayan lalaki bindisionan ira komun na Dios, say Dios a nilingkuran di amak ya Abraham tan amak ya Isaac! Bindisionan ira komun na Dios ya angiwanwan ed siak ya anggad sayan agew!